1 мин

Жорж Р.Р.Мартин хөл хориог ашиглан "Game of Thrones" зохиолоо удахгүй бичиж дуусгана

Хүлээлт дуусах нь.

О.Анхзаяа 2020.03.20 6 1 1

209

Коронавирусийн улмаас дэлхий даяар хаа сайгүй хөл хорио тогтоож буй энэ үед зарим хүмүүс уг байдлыг тун ухаалгаар, бүтээлчээр ашиглаж байна. Уйдаж суухын оронд эхлүүлсэн зүйлээ дуусгаж, бүтээлч байхаар шийдсэн Жорж Р.Р.Мартин маш удаан хүлээгдсэн "The Winds of Winter" зохиолоо маш идэвхтэйгээр бичиж байгаа бөгөөд удахгүй дуусна гэдгээ ч хэлжээ.

The Wrap, Not A Blog сайтад тэр, "Надад санаа зовж байгаа хүмүүст хандан хэлэхэд, тийм ээ миний нас өндөр гарсан учраас биеийн байдалдаа их анхаарч, болгоомжтой байгаа. Яг одоо би маш сайн байна. Хүмүүсээс хол хөндий газар өөрийгөө тусгаарлаж, над дээр ганцхан туслах ажилтан маань л ирж байна. Үнэнийг хэлэхэд би бодит амьдралаас илүү Вестерост бүх цагаа өнгөрүүлж, өдөр болгон бичиж байна. Долоон хаант улсад байдал харгис хэрцгий өрнөж байна. Гэвч магадгүй энд болж байгаа нөхцөл байдал шиг биш" хэмээн хэлжээ.

Сүүлчийн номыг хүлээн ядаж буй шүтэн бишрэгчдийн хувьд бол энэ агуу үйл явдал юм. 2011 онд "A Dance with Dragons" ном гарснаас хойш бараг 10 жил өнгөрөх гэж байна.

Харин бид удахгүй эцсийн бүлгийг унших боломжтой болох нь ээ! GOT цувралын наймдугаар бүлэг хүмүүсийн урмыг ихээхэн хугалсан учир номыг уншиж сэтгэлээ тайтгаруулах гэснэ хүмүүсийн хувьд одоо илүү сэтгэл догдлом хүлээлт л үлдлээ.

О.Анхзаяа 2020.03.20

209