Канад жуулчин дэлхийг тойрон аялах гэж хураасан бүх мөнгөө Филиппин эмнэлэгт хандивлажээ
Жон Абу-Самра гэх нэртэй Канад жуулчин өнгөрсөн зургадугаар сард Филиппиний Палаван арлаар аялж явахдаа бэртэж, тухайн үед нэгэн эмнэлэг түүнд анхаарал халамж үзүүлжээ.
Тэр хөлөө маш хүнд гэмтээж, түүнийг харсан иргэд ч шуурхайлан эмнэлэгт хүргэжээ.
Түүний бэртэл аажмаар хүндэрч, тэр бүх хугацаанд эмнэлгийн бүх хүн түүнд чадахаараа тусалжээ.
"Би эмнэлэгт очоод 30 минут ч болоогүй байх үедээ би сувилагчаас 'эрхэм ээ' гэх үгийг бараг 25 удаа сонссон. Би зүгээр л энгийн цамцтай, бараг л гудамжны хүн шиг харагдаж байсан ч тэд надтай эелдэг харьцсаар байсан" гэж тэр дараа нь ярилцлагадаа дурдсан байна.
Эмнэлэгт байх хугацаандаа тэр барилгын чанар, орчныг анзаарчээ. Хангалттай хүрэлцээгүй зай талбай, хуучирсан барилга, хүрэлцэхгүй байгаа тоног төхөөрөмж гээд олон асуудал тэнд байж. Эм тариа хүрэлцээгүй байгаа нь ялангуяа эмчилгээ хэрэгтэй хүмүүст хүндрэл учруулж байв.
Иймээс тэр өөрийн мөрөөдлийн аяллыг зогсоож, 1.2 сая ам.доллартай тэнцэх хэмжээний эм тариа, тоног төхөөрөмж бэлэглэжээ. 100 өдрийн турш аялахаар төлөвлөсөн аялал нь зогссон ч тэр эмнэлэгт гайхамшиг тохиож, хэрэгцээтэй бүх зүйл нь хүрэлцэн ирсэн байна. Тэр энэ бүх үйлдлээ "Би өөрчлөлт хийж, хүмүүст туслах дуртай. Би зүгээр л аялаад явж болох байсан ч тэр мөнгө энд илүү хэрэгтэй шүү дээ" гэж тайлбарлажээ.