1 мин

Кэтрин Лэнгфордын тоглосон шинэ цувралын трейлер цацагдлаа

Ub.life 2020.07.03 1 1

13

Жүжигчин Кэтрин Лэнгфордийн тоглосон "Netflix"-ийн шинэ цуврал болох "Cursed" киноны албан ёсны трейлер цацагджээ. Энэ нь залуу жүжигчний тоглосон хоёр дахь "Netflix"-ийн цуврал юм. Өмнө нь тэр 13 Reasons Why цувралд тоглож байсан юм. 

"Cursed" цувралыг Артурын домгийн талаарх Том Вилерийн бэстселлер романаас сэдэвлэн бүтээжээ.

Цувралын гол дүр болох Nimue (Кэтрин Лэнгфорд) Артуртай хамт Мерлинийг олж, эртний хүчирхэг илдийг хүргэх даалгаварт гарч буй талаар цувралд өгүүлнэ. Энэхүү цуврал нь Артур хааны домгийн тухай өгүүлэх цоо шинэ уран дүрслэл аж. 

Хэрэв та "The Witcher" цувралд дуртай бол энэ кинонд ч бас дурлах нь лав гарцаагүй. "Cursed" цуврал долдугаар сарын 17-оос эхлэн "Netflix"-ээр гарах юм байна. 

Бэлтгэсэн: Э.Сумъяажаргал

Ub.life 2020.07.03

13