Хайх зүйлээ бичнэ үү

2 мин

Халдварын голомтод ажиллаж буй эмнэлгийн ажилтнуудын бодит нөхцөл байдал


Коронавирусийн эсрэг тэмцэж буй эмч, эмнэлгийн ажилтнуудын нөхцөл байдал хүнд байна. Ухань хотын нэгэн эмнэлэгт сувилагчаар ажилладаг Нин Жу халдварын голомтод ажиллаж буй эмнэлгийн ажилтнуудын нөхцөл байдлын талаар CNN-д утсаар ярилцлага өгчээ. 

Түүнд халдварын шинж тэмдэг илэрсэн тул гэрийн хорионд ороод байгаа аж. Нин Жугийн ажилладаг эмнэлэг 500 орчим ажилтантай бөгөөд 30 ажилтан коронавирусийн халдвар авсан нь тогтоогдож, 100 орчим ажилтан халдвар авсан байж болзошгүй тул хөл хорионд орсон гэж ярьжээ. Гэвч Нин Жу ажилладаг эмнэлгийнхээ нэрийг хэлэхээс татгалзсан байна. 

Вирусийн халдвар авсан хүмүүсийн дунд эмнэлгийн ажилтнууд олон байгааг Хятадын эрүүл мэндийн албаныхан үгүйсгэхгүй байгаа юм. Зөвхөн Ухань хотод л гэхэд 398 эмнэлэг, 6000 орчим өрхийн эмнэлэг байдгаас 9 эмнэлэг л вирусийн халдвар авсан иргэдийг эмчилж байна гэжээ. Мөн тус хотын 61 эмнэлэг коронавирустэй төстэй шинж тэмдэг илэрсэн хүмүүсийг тусгаарлах, оношийг тодруулах ажлыг хийж байгаа аж. Харамсалтай нь, дээрх 61 эмнэлгийн нэг болох Жоннань эмнэлгийн 40 ажилтан коронавирусийн халдвар авсан нь тогтоогджээ. 

Халдвар авагсдын тоо тасралтгүй нэмэгдэхийн зэрэгцээ голомтод ажиллаж буй эмнэлгийн ажилтнууд вирусийн халдвар авч байгаа нь бусад эмнэлгийн ажилтнуудын ачааллыг ихээхэн нэмэгдүүлж байна. 

Өвчтөнүүдийн сувилж байх хойгуур ээж нь нас баржээ

Ухань хотын эмнэлэгт сувилагчаар ажилладаг Кун Мин өвчтөнүүдийг асарч, сувилж байх зуур ээж нь нас барсныг мэджээ. Хэдийгээр амьдралд нь хүнд гарз тохиосон ч тэрбээр гурван удаа мэхийн ёсолж, талийгаачид хүндэтгэл үзүүлээд буцаж ажилдаа орсон байна. 

7 хоног охинтойгоо уулзаагүй сувилагч эмэгтэй 

Коронавирусийн эсрэг тэмцэж буй эмнэлгийн ажилтнуудын нэг болох Лю Хайян. Тэрбээр Хэнань мужийн Жоукоу хотын эмнэлэгт сувилагчаар ажилладаг бөгөөд долоо хоногийн турш нөхөр, охинтойгоо уулзаагүй гэнэ. Есөн настай охин ээждээ банш авчирсан боловч ойртох боломжгүй байсан тул охиндоо агаараар тэврэлт илгээжээ.   

Олон цаг тасралтгүй ажилласан эмнэлгийн ажилтнууд түр амарч байгаа нь..   

Эх сурвалж: CNN, Mothership

холбоотой мэдээ
1
19 цагийн өмнө
Эрлэгийн элчийн хувцас өмссөн эрэгтэй наран шарлагын газраар явж хүмүүсийг гэртээ байхы...
2
20 цагийн өмнө
Ажиллахад тохиромжтой 15 талт минимал бүхээг зохион бүтээжээ
3
21 цагийн өмнө
Тансаг зэрэглэлийн брэндүүд залуусын анхаарлыг татахын тулд солонгос драмаг түлхүү ашиг...
санал болгох
1
19 цагийн өмнө
Эрлэгийн элчийн хувцас өмссөн эрэгтэй наран шарлагын газраар явж хүмүүсийг гэртээ байхы...
2
20 цагийн өмнө
Монголд л тохиолдох аяллын тухай хөгжилтэй 14 пост
3
21 цагийн өмнө
Тансаг зэрэглэлийн брэндүүд залуусын анхаарлыг татахын тулд солонгос драмаг түлхүү ашиг...

Энэ мэдээнд өгөх таны сэтгэгдэл?
2
0
1
0
27
0
0
0

Сэтгэгдэл бичих (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

1 2020.02.17 202.5.202.132

Энэ өвчин хурдан арилж эмч сувилагч нар хурдан амрах болтугай.

0 Хариулах