Хувцас загварын нэгэн адил гоо сайхны салбар ч богино хугацаанд өөрчлөгдөн хувьсаж байдаг. Тухайлбал, саяхнаас хөл, гарын хэлбэртэй хумсны маникюр сошиал медиа хэрэглэгчдийн анхаарлыг ихээхэн татаж байна. Москва, Лос-Анжелес хотод салбартай Sunny маникюрын салон инстаграм хуудсандаа эдгээр бүтээлч маникюруудын зургийг оруулжээ.
Зарим хүн үүнийг өхөөрдөж, эерэгээр хүлээн авч байгаа бол нөгөө хэсэг нь айж, эвгүйцсэн сэтгэгдэл бичжээ. Инстаграмын нэгэн хэрэглэгч "Энэ бол гоо сайхны чиг хандлага биш. Энэ бол сошиал медиа хэрхэн хүмүүст нөлөөлж буйг, иймэрхүү зүйлд итгэж гараад хийлгэхээс буцахааргүй тэнэг болсныг харуулж байна" гэж бичжээ.
Sunny салоны хувьд анх удаа ийм өвөрмөц маникюр гаргаж байгаа хэрэг биш юм.
