Хайх зүйлээ бичнэ үү

2 мин

Хөл хорионд орсон хүмүүст роботуудын тусламжтайгаар хоол хүргэж байна


Коронавирусийн дэгдэлтийн улмаас Хятадын эрх баригчид Ухань болон тус бүсийг тойрсон 10 гаруй хотод хөл хорио тогтоогоод байгаа юм. Түүнчлэн халдвартай бүсээс ирсэн иргэдийг тусгаарлаж, 14 хоногийн дотор өвчний шинж тэмдэг илрэх эсэхийг тандаж байгаа аж.

Эл журам хэрэгжиж буйтай холбоотойгоор хөл хорио тавихаас өмнө Ухань хотоос ирсэн 200 гаруй жуулчдыг Ханжоу хотын нэгэн зочид буудалд тусгаарлаад байгаа гэнэ. Мөн вирусийн халдвар дамжихаас сэргийлж, роботуудын тусламжтайгаар хоол зөөж байгаа бичлэг олон нийтийн сүлжээнд таржээ. Зочид хоолоо авах үеэр робот "Сайн байна уу. Бид танд хоол авчирлаа. Хэрэв та өөр хоол захиалах хүсэлтэй байвал Wechat-аар зурвас илгээгээрэй. Манай ажилчид тун удахгүй тантай холбогдох болно. Сайхан хооллоорой. Баярлалаа" гэх богино сонордуулгыг хэлдэг аж. 

Одоогоор тус зочид буудалд нийт 16 робот ажиллаж байгаа ба давхар тус бүрд байрлаж буй зочдод хоол хүргэхээр програмчлагджээ. 

Эрүүл мэндийн ажилтнууд гудамж талбай, дэлгүүр, нийтийн тээвэр гэх мэт олон нийтийн газрыг халдваргүйжүүлэх арга хэмжээ авч байна.

Дашрамд дурдахад, одоогоор вирусийн ихэнх халдвар ахуйн хавьтал болон агаар дуслын замаар дамжиж байна. Харин БНХАУ-ын Эрүүл мэндийн үндэсний комиссын захирал Ма Сяовэй нэгдүгээр сарын 26-нд хийсэн мэдэгдэлдээ "Бидний ажиглалтаас үзвэл, өвчний далд үед вирус халдварлах боломжтой" гэжээ. Өөрөөр хэлбэл, коронавирус 2-14 хоногийн хугацаанд ямар нэгэн шинж тэмдэг илрэхгүй байж болох ч энэ үед бусдад халдварлах боломжтой гэсэн үг юм. Үүгээрээ SARS буюу амьсгалын замын хурц халдварт өвчнөөс ялгаатай аж. Тиймээс Хятадад халдвар авсан байж болзошгүй гэгдэж буй хүнийг нэн даруй тусгаарлах арга хэмжээ авч байна.

Эх сурвалж: Daily Mail 

холбоотой мэдээ
1
8 цагийн өмнө
АНУ-ын Ерөнхийлөгчийн сонгуулийн таамгууд юу хэлнэ вэ?
2
13 цагийн өмнө
Voice шоуны шүүгч Блэйк Шелтон, Гвен Стефани нар сүй тавьжээ
3
Уржигдар
Скандинавын хойгийг төв Европтой холбох стратегийн хонгил: усан доогуурх 18 км туннел
санал болгох
1
8 цагийн өмнө
Жүжигчин Киану Ривз "Matrix 4" кинонд зориулан "алдарт" үсээ тайрчээ
2
9 цагийн өмнө
Олон ажил зэрэг амжуулах нь сэтгэл зүйн эрүүл мэндэд сөрөг нөлөөтэй
3
14 цагийн өмнө
Хэллоуны баярын энэ жилийн хамгийн хөгжилтэй, содон 21 чимэглэл

Энэ мэдээнд өгөх таны сэтгэгдэл?
2
0
0
0
0
0
1
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.