Хайх зүйлээ бичнэ үү

2 мин

Хүүхэд хамгааллын явуулын үйлчилгээ нээлтээ хийлээ

2019 – 2020 он – Хүүхдийн хөгжил, хамгааллын жил.


Монгол улсын Засгийн газраас 2019 онд хэрэгжүүлж байгаа хүүхэд хамгааллын чиглэлээр санаачлан хэрэгжүүлсэн нэг бүтээлч ажил бол  “Гэр бүл, нийгмийн хүрээнд хүүхэдтэй зүй бус харьцах, хүүхдийн эсрэг хүчирхийлэл, хүүхдийг эрсдэлт нөхцөлд орохоос урьдчилан сэргийлэх үйлчилгээ үзүүлэх” зорилготой ХҮҮХЭД ХАМГААЛЛЫН ЯВУУЛЫН ҮЙЛЧИЛГЭЭ юм. Хүүхэд хамгааллын урьдчилан сэргийлэх үйлчилгээг мэргэжлийн баг хөдөлгөөнт хэлбэрээр газар дээр нь шуурхай үзүүлэх, зөвлөн туслах зорилготой энэхүү автобустай үйлчилгээг Улаанбаатар хотод төдийгүй 21 аймагт нэгэн зэрэг бий болгож байгаагаараа ач холбогдолтой юм.

ХҮҮХЭД ХАМГААЛЛЫН ЯВУУЛЫН ҮЙЛЧИЛГЭЭ нь хүүхэд, иргэд , олон нийтийг хүүхэд хамгааллын талаар мэдлэгжүүлэх, нийгмийн сэтгэл зүйд хүүхдийн эсрэг хүчирхийллийг эсэргүүцэх хандлага төлөвшүүлэх, зөрчил мэдээллийг хүлээн авч, газар дээр нь шуурхай шийдвэрлэх, хуулиар хүүхдийн эрхийг хангах үүрэг хүлээгчдийг ажлын байранд нь чадавхжуулах, зөвлөн туслах, эрсдэлт нөхцөлд байгаа хүүхдийг илрүүлэх, хамгаалах үйлчилгээнд холбон зуучлах, хяналт  тавих, хүүхдийг эрсдэлт нөхцөлд оруулж болзошгүй орчны  аюулгүй байдалд хяналт  тавих зэрэг үйл ажиллагааг газар дээр нь очиж, түргэн шуурхай шийдвэрлэх төрийн үйлчилгээний нэг хэсэг юм. 

Хүүхэд хамгааллын нэртэй энэхүү автобус хаана очиж зогсоно, тэр газар “хүүхэд хамгааллын цэг” болох юм шүү. Автобус дотор хүүхэд өсвөр үеийнхэн, эцэг эхчүүд, залуу хосуудад тулгамдсан асуудлаар мэдээлэл өгөх самбар, ном гарын авлага, сэтгэл зүйн болон хууль эрх зүйн анхан шатны зөвлөгөө өгөх өрөө тасалгаа, хүүхэд хамгааллын зөрчлийг даруй бүртгэж, нэгдсэн системд оруулах эрсдлийн программ, тоглоомын булан, номын сан гээд байхгүй юм байхгүй. Эцэг эхчүүд, хүүхдүүд гэр бүл, хүүхдийн эрх хамгаалал, нөхөн үржихүйн асуудал, нийгэмд тулгамдаж байгаа сөрөг үзэгдлүүдийн, сайн сайхан замд орох учир шалтгаан, танин мэдэхүйн шинжтэй сургалт, мэдээллүүдийг явуулын үйлчилгээнээс авч болно. 

Хүүхэд хамгааллын явуулын үйлчилгээг Хөдөлмөр нийгмийн хамгааллын яам, Засгийн газрын хэрэгжүүлэгч агентлаг Гэр бүл, хүүхэд залуучуудын хөгжлийн газрын дэмжлэгтэйгээр Хөөрхөн зүрхнүүдийн аян ТББ үзүүлэх юм. 

холбоотой мэдээ
1
Өчигдөр
Сонгинохайрхан дүүрэгт "Баянхошуу дэд төв"-ийг нээлээ
2
Өчигдөр
Мөрдэс зүүсэн алтан гартнууд
3
Уржигдар
Сошиал медиаг бүтээлчээр ашиглаж, залуусын сонгуулийн оролцоог нэмэх тэтгэлэгт уралдаан...
санал болгох
1
2 цагийн өмнө
Жорж Флоид коронавирусийн халдвартай байсан нь задлан шинжилгээгээр тогтоогджээ
2
4 цагийн өмнө
Дэлхийн алдартай кинонууд хуучны ном байсан бол гэх 35 сонирхолтой зураг
3
Өчигдөр
"Алтан өргөө" олон улсын кино наадмаас заавал үзэх онцлох 4 кино

Энэ мэдээнд өгөх таны сэтгэгдэл?
0
0
8
0
0
0
0
0

Сэтгэгдэл бичих (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

зочин 2019.09.16 103.80.211.220

ажиллахгүй гээд яах юм хүүхдээ тэжээхийн тулд ажиллана ш дээ нэг автобус явуулаж байснаас арай өөр юм шийдээч хүүхддээ хайргүй хэн ч байхгүй завтай болоод түгжирэлгүй бол хүүхдээ анхаарна ш дээ хүмүүс

3 Хариулах


Зочин 2019.09.17 202.179.25.66

Ajil amidraliin balance geech yum bdiin, hunii hugjliin surgaltand suu....

0 Хариулах