1 мин
Хятадад виртуал дэлгүүрүүд цэцэглэж байна
Б.Саруул
Коронавирусийн цар тахлаас үүдэн дэлхийн олон оронд дэлгүүр, худалдааны төвүүд хаалгаа бариад байна. Тэгвэл хятадууд виртуал дэлгүүрийн тусламжтайгаар худалдан авалтаа төвөггүй хийх болжээ. Тухайлбал, Хятадын Гуанжоу хотын K11 сүлжээ худалдааны төв хоёрдугаар сарын сүүлээр виртуал дэлгүүрийнхээ бета хувилбарыг танилцуулж, гуравдугаар сарын 27-нд албан ёсоор нээлтээ хийгээд байна. Хэрэглэгчид 360 градусын панорама аялал хийн K11 худалдааны төвийн 46 брэнд дэлгүүрээр зочлох боломжтойгоос гадна харж буй бүтээгдэхүүнээ шууд худалдан авч болох гэнэ.
K11 худалдааны төвийн виртуал дэлгүүрээр нэг сарын дотор 200 мянган хүн зочилсон гэж Гуанжоу хотын хэвлэл мэдээлжээ.
Lego, DJI, GoPro, Sonos брэндүүд ч мөн адил виртуал дэлгүүрээр дамжуулан бараа, бүтээгдэхүүнээ худалдаж эхэлжээ. Харин виртуалаар шууд худалдан авалт хийх боломж бүтээгдэхүүний онцлогоос хамаарч харилцан адилгүй байна. Жишээ нь, Lego брэндийн ихэнх тоглоомыг виртуалаар үзэж, худалдан авах боломжтой бол хувцас зэрэг бүтээгдэхүүний хувьд энэ нь төдийлөн тохиромжтой сонголт биш гэжээ.
Виртуал дэлгүүр 'хэсэхийн' тулд ердөө л WeChat дээрээ мини програм суулгахад хангалттай аж.
Виртуал дэлгүүрийн үйл ажиллагаа амжилттай үргэлжлэх эсэх нь цар тахлын цаашдын явц, хүмүүсийн худалдан авалт хийх зуршилтай шууд холбоотой гэж мэргэжилтнүүд үзэж байна. Онлайн худалдааны компаниуд өмнө нь виртуал дэлгүүрийг туршиж байсан ч төдийлөн амжилтад хүрээгүй билээ. Тухайлбал, Алибаба 2016 онд Buy+, Амазон 2018 онд VR kiosks виртуал дэлгүүрийг тус тус танилцуулж байсан юм.
Эх сурвалж: Abacus News
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа