Коронавирусийн халдвар авах эрсдэлтэй эсэхийг тодорхойлдог аппликэйшн гарчээ
Коронавирустэй тэмцэж буй БНХАУ вирусийн халдварыг үргэлжлүүлэн тархахаас сэргийлэх зорилгоор олон төрлийн арга хэмжээ авч байна. Тухайлбал, Хятадын засгийн газрын харьяа агентлаг China Electronics Technology Group корпорацитай хамтран аппликэйшн гаргажээ. Уг аппликэйшн нь бүртгэлийг хэрэглэгчийг коронавирусийн халдвар авах эрсдэлтэй эсэхийг, мөн ойр орчимд нь вирусийн халдвар авсан болон авсан байж болзошгүй гэж бүртгэгдсэн хүн байгаа эсэхийг тодорхойлдог юм байна.
Коронавирусийн халдвар авсан болон эрсдэлтэй гэгдэж буй иргэдийн мэдээллийг Хятадын эрүүл мэнд, тээврийн албаны мэдээллийн сангаас бүрдүүлдэг гэж Синьхуа агентлаг мэдээлжээ.
БНХАУ иргэний бүртгэл мэдээллийг бүх харилцаа холбоо, технологитой холбосон байдаг бөгөөд иргэдээ тагнаж чагнадаг гэх шүүмжлэлд байнга өртдөг билээ. Учир нь, Alipay, WeChat гэх мэт сошиал платформоор төлбөр тооцоо хийхийн тулд заавал гар утсаа бүртгүүлж, баталгаажуулсан байхыг шаарддаг юм.
Харин коронавирусийн халдварын эрсдэлийг тодорхойлогч аппликэйшнд бүртгүүлэхдээ заавал гар утасны дугаар, регистрийн дугаараа оруулсан байх шаардлагатай гэжээ.
Эх сурвалж: BBC