Лана Дел Рейгийн анхны яруу найргийн ном шилдэг номын тоонд багтжээ
Ном уншигчдын Goodreads платформ 2020 оны шилдэг номуудаа тодруулжээ. Үүний дотор дуучин Лана Дел Рейгийн "Violet Bent Backwards Over the Grass" нэртэй яруу найргийн анхны түүвэр бүтээл 20 мянга гаруй санал авч дэд байрт шалгарчээ.
Тэргүүн байрт зохиолч Маргарет Этвудын "Dearly: New Poems" хэмээх бүтээл 100-аад саналын зөрүүтэйгээр тодорсон юм. Лана "Номын нэр нь хамгийн эхэнд бичсэн шүлгийн маань нэр. Өнөөг хүртэл эдгээр шүлгээ бичсээр, засч сайжруулан, төгс боллоо гэж бодмогцоо та бүхэндээ хүргэж байна" гэжээ. 128 хуудас бүхий бэсрэг номыг энэ хаягаар унших боломжтой.
Дууны үгээ өөрөө бичих дуртай Лана Дел Рэй 6 хоногийн өмнө шинэхэн дуугаа цацсан билээ.
Эх сурвалж: Goodreads.com