1 мин

Мэргэжлээ сонгох, гадаадад суралцах зөвлөгөөг орон нутгийн сурагчдад олгоно

Э.Намуун 2020.01.20

Их Британийн Засгийн газрын Чевнинг хөтөлбөрийн санхүүжилттэй “Empowering Future Leaders” төсөл өнгөрсөн есдүгээр сараас хэрэгжиж эхэлсэн. Энэхүү төсөл нь ахлах ангийн сурагчдад их дээд сургууль, коллеж сонгох, оюутан болоход бэлтгэх хувь хүний хөгжил, гадаадад суралцах, тэтгэлэгт хөтөлбөрт хамрагдах боломжийн талаар мэдээлэл олгох зорилготой. Уг төслийг АНУ болон Их Британид суралцан төгсөгчид хэрэгжүүлж байгаа бөгөөд өөрсдийн мэдлэг туршлагаас хуваалцан, ирээдүйн манлайлагч болох сурагчдад мэдээлэл түгээж байгаа юм.

Зураг	Тайлбар

Одоогийн байдлаар Хэнтий, Дорнод, Сүхбаатар, Өвөрхангай, Дундговь гэсэн 5 аймагт сургалтаа амжилттай зохион байгуулаад байна. Мөн энэ оны гуравдугаар сард багтаж уг төслөө Өмнөговь, Ховд, Архангай аймгуудад үргэлжлүүлэхээр төлөвлөжээ.

Түүнчлэн төслийн хүрээнд гадаадад суралцан мэргэжил дээшлүүлэх хүсэлтэй багш нарт зориулан тэтгэлэгт хөтөлбөр, тэр дундаа Их Британийн Засгийн газрын Чевнинг хөтөлбөрт хамрагдах боломжийн талаар мэдээлэл өгөх уулзалтыг нэмэлтээр зохион байгуулж байна.