2 мин
Миллениалуудын тал нь, Z үеийнхний 75 хувь нь сэтгэцийн эрүүл мэндийн шалтгаанаар ажлаасаа гардаг
Б.Саруул
3 
3 
3 
АНУ-ын Сэтгэцийн эрүүл мэндийн үндэсний хүрээлэнгийн мэдээлснээр АНУ-д насанд хүрсэн 46.6 сая хүн ямар нэгэн байдлаар сэтгэцийн эмгэгт өртөж байна гэжээ. Ялангуяа залуу үеийнхний хувьд ажил, санхүүгийн асуудал нь стрессдэх гол шалтгаан болж байгааг онцолсон байна.
Тэгвэл Mind Share Partners байгууллага залуучуудын ажлын байран дахь сэтгэцийн эрүүл мэндтэй холбоотой шинэ судалгааны үр дүнг саяхан нийтэлжээ. Тус байгууллага нь ажилчдын сэтгэцийн эрүүл мэндийг сайжруулах, нөөц боломжоор хангах чиглэлээр компаниудтай хамтарч ажилладаг юм.
Mind Share Partners-ийн судалгаанд ажил хийдэг, 16-аас дээш насны 1500 хүн оролцсон бөгөөд "Танд алга хөлрөх, зүрхний цохилт түргэсэх, салганах, толгой эргэх, ухаан балартах зэрэг сэтгэцийн эмгэгийн шинж тэмдгүүд хэр ойрхон илэрдэг вэ", "Эдгээр шинж тэмдэг таны ажлын гүйцэтгэлд ямар нөлөө үзүүлдэг вэ", "Ажлын байрандаа сэтгэл зүйн эрүүл мэндийн тусламж, үйлчилгээг хангалттай авч чаддаг уу" гэх мэт асуулгуудыг тэднээс асуужээ.
Судалгаанд оролцогчдын 60 хувьд нь сүүлийн нэг жилд сэтгэцийн эмгэгийн шинж тэмдгүүд илэрсэн нь ажиглагджээ. Цаашлаад миллениалуудын (23-38 насныхан) тал хувь нь, Z үеийнхний (18-22 насныхан) 75 хувь нь ажлаасаа гарахад сэтгэцийн эрүүл мэндтэй холбоотой шалтгаан нөлөөлсөн гэжээ. Харин бүүмерс буюу 55-73 насныхны ердөө 10 хувь нь дээрх шалтгаанаар ажлаа сольдог гэсэн юм.
Түүнчлэн бүүмерс үеийнхэнтэй харьцуулахад сэтгэл түгшүүрийн шинж тэмдэг илрэх магадлал миллениалуудад гурав дахин, Z үеийнхэнд дөрөв дахин өндөр байдаг аж. Гэхдээ миллениалуудын 63 хувь нь ийм асуудал тулгарсан үед зөвлөгөө авах, сургалтад хамрагдах зэргээр байгууллагаасаа тусламж эрэлхийлдэг гэнэ.
Ажлаа солиход нөлөөлдөг бусад хүчин зүйлсэд арьс өнгө, ажиллаж буй салбар багтжээ. Тухайлбал, технологийн салбарт ажиллагсдын 55 хувь нь сэтгэцийн эрүүл мэндтэй холбоотой асуудлуудаас болж өөрийн хүсэлтээрээ ажлаасаа гардаг аж. Цаашлаад сэтгэл санааны байдал нь ажлын бүтээмжид нөлөөлдөг гэж судалгаанд оролцогчдын 61 хувь нь, ажлын орчин, хамт олны уур амьсгал сэтгэл санааны байдалд нөлөөлдөг гэж 37 хувь нь үзжээ.
Эх сурвалж: CNBC
холбоотой мэдээ 
санал болгох 
Ub.life
Э.Намуун 
Zzz 2019.10.14 203.91.115.56
Tanaihiig erni ajigalaad bhad USA-iim medeelliig ih tawih yumaa. Busad ulsuudiin sudalgaa medelliig bas unshij vzeed haritsuulsan sudalgaa uursduu hiij gargawal ilvv bvteelch bh bolowu. Bas ilvv dundiig barisan
1 0 Хариулах
Zzz 2019.10.14 203.91.115.56
Mongold iim sudalgaa yawuulwal arai uur vr dvn garah bha. Ajilaa solij bga shaltgaan ni setgetd geheesee ilvv orchin nuhtsul tsalingiin hemjeenees boloh bh. Garchigaa onowchtoi uguhgvi bol delhii dayaaraa, mongolchuud ch bas iim yum shg oilgogdoh gd bn.
0 0 Хариулах
rip 2019.10.11 202.179.25.216
i'm 20 and i already have anxiety disorder, depression. changed jobs three times in a 2 month.
1 0 Хариулах
Зочин 2019.10.10 202.179.8.4
mongold bol darga nariin daramtaas bolj ih stressddeg
3 0 Хариулах
Зочин 2019.10.10 150.129.141.207
ene n setgel zuin mash tom asuudal
1 0 Хариулах