Үндэсний аюулгүй байдлын зөвлөлөөс тэтгэврийн зээлийг тэглэх тухай шийдвэр гаргасныг Монгол Улсын Ерөнхийлөгч Х.Баттулга он солигдох мөчид мэдээлсэн. Үүнтэй холбогдуулан Монголбанкны Ерөнхийлөгч Б.Лхагвасүрэн 2020 оны нэгдүгээр сарын 02-ны өдрийн тушаалаар энэ сарын 1-ний өдрөөс эхлэн тэтгэврийн зээл нэмж олгохыг зогсоох арга хэмжээг авч хэрэгжүүлэхийг бүх арилжааны банкуудад мэдэгджээ.
Тиймээс ҮАБЗ-өөс гаргасан шийдвэрийн дагуу иргэдийн тэтгэврийн зээлийг чөлөөлөхөөр бол өнгөрсөн оны арванхоёрдугаар сарын 31-нээс өмнө зээл авсан ахмадууд хамрагдана гэсэн үг юм.
