Хайх зүйлээ бичнэ үү

2 мин

Наадамчин олны нүдийг “хужирласан”, залуу начин О.Мөнх-Эрдэнийн тухай 13 баримт


Энэ жилийн бөхийн дэвжээний чимэг болсон, хамгийн залуу начин О.Мөнх-Эрдэнийн тухай 13 баримтыг хүргэж байна.

Тулгар төрийн 2229, Их Монгол Улс байгуулагдсаны 814, Ардын Хувьсгалын 99 жилийн ойн баяр наадмын хүчит бөхийн барилдаанд 7 бөх начин цол хүртсэн. Тэдний хамгийн залуу нь О.Мөнх-Эрдэнэ юм. Тэрбээр 1995 оны гуравдугаар сарын 25-нд төрсөн, 25 настай.

Улсын аварга С.Мөнхбатыг тавын даваанд өвдөг шороодуулж, улсын начин цол хүртлээ. Нэгийн даваанд Б.Зориг, хоёрын даваанд аймгийн арслан Д.Цэвэлсодном, гурвын даваанд дархан аварга Г.Өсөхбаяр, дөрвийн даваанд улсын харцага Н.Батзаяагаар тус тус давсан.  

Тэрээр чөлөөт бөхийн багш, дасгалжуулагч мэргэжилтэй.

Оюунбаатарын Мөнх-Эрдэнэ Архангай аймгийн Хайрхан сумын харьяат, “Алдар” спорт хороо, “Бөх билэгт” дэвжээний бөх юм.


Улсын шинэ начин маань 195 см өндөр, 130 кг жинтэй.

Түүний үлгэр дуурайл авдаг бөх нь Г.Өсөхбаяр аварга.

Тэр аав ээжийнхээ хоёр талаас бөхийн удамтай аж. О.Мөнх-Эрдэнэ 2011 оноос чөлөөт бөх, 2012 оноос үндэсний бөхөөр хичээллэсэн байна. 57 жилийн дараа удмаасаа төрсөн хоёр дахь начин болжээ.

Түүний аав Оюунбаатар Архангай аймгийн Хайрхан сумынх бол ээж Д.Хишигсүрэн нь Булган аймгийн Сайхан сумын уугуул.

Монголын мэдээ сувгийн ярилцлагад дурдахдаа О.Мөнх-Эрдэнэ “Тавын даваанд өөртөө байгаа бүх юмаа гаргаж барилдсан. Нэг мэдсэн туг тойроод гүйгээд ирсэн байсан. Их л баярласан даа. Зургаагийн даваанд унасан бөх маань түрүүлсэн болохоор гонсойсон юм байхгүй. Сайхан байна” гэв. Сайн ханийн халамж, аав ээжүүдийн дэмжлэг, сайн багш нарынхаа ачаар дуртай спортоороо хичээллэж, амжилт үзүүлж байгаагаа онцлов.

Тэрээр эхнэр, хоёр хүүхдийн хамт амьдардаг.

Түүний гэргий Ц.Өсөхжаргал “Нөхрөөрөө бахархаж байна. Хэн ч харсан сайхан залуу. Хүмүүс нөхрийг маань дэмжиж байсан нь сайхан санагдсан” гэсэн юм.

О.Мөнх-Эрдэнийн хадам ээж Ч.Бямбахишиг хүргэнийхээ дээлийг урлаж өгдөг байна. Өнгөрсөн жил Орхон аймгийн наадамд түрүүлж, аймгийн арслан цол хүртэхдээ өмссөн дээлээрээ энэ жил мөн гоёж, улсын цолоор МУ-ын Ерөнхийлөгчөөр энгэрээ мялаалгасан байна.

Монголын Залуучуудын холбоо Үндэсний их баяр наадмаар тав давж, улсын начны болзол хангасан хамгийн залуу бөхөд хурдан удмын даага бэлэглэдэг. Уламжлал ёсоор энэ жилийн хурдан удмын даагыг О.Мөнх-Эрдэнэд бэлэглэлээ.

холбоотой мэдээ
1
2020.08.07
Монголд ОУ-ын Ворлд Фитнесс Академитай хамтран Фитнессийн цогц үйлчилгээг нэвтрүүллээ
2
2020.07.11
Х.Пүрэв: Би одоо Ардын хувьсгалын 100 жилийн ойгоор л ганц удаа бөх засна
3
2020.06.04
Дэлхийн хамгийн тачаангуй тамирчнаар Германы ойрын зайн гүйгч Алиса Шмидт тодорчээ
санал болгох
1
7 цагийн өмнө
Арчаагүй хүмүүс ядуу байдаг уу? Эсвэл ядуурал хүнийг гарцгүй байдалд хүргэдэг үү?
2
9 цагийн өмнө
Гэрээсээ ажиллаж буй хүмүүс хиймэл оффисын орчны чимээг сая саяараа сонсож байна
3
Уржигдар
Шинэ Зеланд нэмж нэг ч халдвар бүртгэгдэлгүй 100 хоног болсноо тэмдэглэж байна

Энэ мэдээнд өгөх таны сэтгэгдэл?
10
3
10
0
1
1
4
4

Сэтгэгдэл бичих (4)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Н.Амгаланбаатар 2020.07.19 162.158.7.120

Сайн сайхан бүхнийг хүсэн ерөөе

0 Хариулах


Зочин 2020.07.19 172.69.252.137

за ингэж унана ч гэж юу байх вэ шал худлаа л унаж байна шдэ

0 Хариулах


Миний нэр. Б. Бат 2020.07.18 162.158.7.86

Ардын хувьсгалын 100 н жилийн ойгоорол бөхийн засуулаа хийж цолоон дуудаарай. Өндөр сайхан насыг насалж энх мэнд жаргаж яваарай. Таньд амжилт хүсье

0 Хариулах


Зочин 2020.07.18 172.69.252.139

Содномдорж, Мөнхбат хоёр 500 саяд бууж өгсөн гээд ярих юм үнэн бол тэр 2 дахиж өөдлөхгүй

3 Хариулах


Зочин 2020.07.18 172.69.252.137

Monkhbat ugaasaa barahgui bsan,unah bsan bol barits songono gej yu bhav

0 Хариулах