1 мин

Нэгэн гэр бүл Зул сарын гацуур дотроосоо коала баавгай олжээ

Б.Саруул 2020.12.04

Австралийн Аделаид хотод амьдардаг МакКормикын гэр бүл энэ жил гацуур модон дундаасаа тун өвөрмөц "чимэглэл" олжээ.

16 настай Тайлах өнгөрсөн лхагва гарагт гэрээсээ хамгийн сүүлд гарчээ. Охин нохойгоо гаргаж, бүх гэрлээ унтраагаад, хаалгаа хаан гарч одсон байна. Орой 6 цагийн үед бүгд гэртээ ирцгээсэн бөгөөд энэ үеэр тэдний нохой хамгийн түрүүнд Зул сарын гацуур луу очин ойр орчмыг үнэрлэж эхэлжээ. Удалгүй гацуур модонд амьд коала баавгай зүүгдсэн байхыг тэд олсон байна.

"Эхэндээ би хүүхдүүдийн нэг нь зөөлөн тоглоом тавьчхаж дээ гэж бодсон. Гэтэл амьд баавгай байсан гээч. Коала баавгай гэрэлтэй орооцолдчихсон, гацуурны навчийг идэхээр хичээж байгаа нь харагдсан. Удалгүй хиймэл гэдгийг нь мэдээд болих шиг болсон... Хаалга онгойх үед л мөлхөж орж ирсэн болов уу. Энэ баавгай манай гэрт дор хаяж гурван цаг байсан байх" хэмээн Тайлахын ээж Аманда МакКормик ярьжээ.

Ингээд тэд коала баавгайг авран хамгаалах Adelaide and Hills Koala Rescue байгууллага руу утасдаж, болсон үйл явдлыг тайлбарлажээ. Удалгүй аврах багийнхан ирж баавгайг модноос салгаж авсан байна. Ойролцоогоор 3-4 настай, эм коала баавгай байсан бөгөөд эрүүл саруул, бэртэж гэмтээгүй байсан гэнэ.

Болсон явдлын талаар ярьсан Тайлах охины ТикТок постод 16 мянган хүн лайк даржээ.

This koala has single handedly saved 2020. Full story up soon on @GuardianAus pic.twitter.com/NGvURdOTuJ
— Matilda Boseley (@MatildaBoseley) December 3, 2020