2 мин

Нийгмийн сүлжээг "буцалгасан" улстөрчдийн фэйшн

Ub.life 2020.06.30 27 12 6

279

Хаа газрын улстөрчид олны анхааралд байдаг. Тэдний юу өмсөж, юу зүүж, бүр идэж ууж байгаа нь ч анхаарал татна. Шинэхэн гишүүн Т.Доржхандын пүүз үүнийг батална. Энэ гэхдээ ганцхан тохиолдол биш ээ. А.Сүхбат гишүүний шинэ цүнх, Оюунчимэг гишүүний LV ороолт, Ж.Мөнхбат гишүүний цаг, бүр болоогүй Хилларигийн үнэтэй хүрэм, Трампын охины хятад хийцийн даашинз гээд уртхан жагсаалт гарна. 

1. Есөн сарын нэгэн 

Дөрвөн жилийн өмнө шинэ, арьсан цүнхэндээ, юу ч бичээгүй шинэ дэвтрээ хийж буй дүр зураг олны анхаарлыг татсан. Есөн сарын нэгэнд сургуульд орж буй зургаан настнууд л иймэрхүү харагддаг даа. Өөрөө тайлбарлахдаа "Ганцхан би биш ээ, бүгдэд нь тараасан" хэмээн хэлжээ. 

2. Сарны талаас алчуур дэрвэхэд 

М.Оюунчимэг гишүүн талбай дээр жагсахдаа LV ороолт зүүсэн нь олны хараанд өртсөн юм. Даарахын цагт LV  байна уу, биш байна уу хамаа юу даа. 

3. Хилларигийн хүрэм машины үнэтэй

Манайхан ч биш Хиллари хүртэл АНУ-ын Ерөнхийлөгчийн сонгуулийн үеэр 12,450 долларын үнэ бүхий хүрэм өмссөн нь олны анхаарал татаж байлаа. Манайд бол гайгүй сайхан машин авчих мөнгө шүү.

4. Явах цаг боллоо хонгор минь

Ж.Мөнхбат гишүүний бугуйн цаг авах мөнгөөр Хилларигийн хүрмийг 13-ыг худалдан авч болох нь.

5. Өнөөх пүүз

Энэ бол халуун дээрээ яваа учраас нэг их тайлбар хэрэггүй. 

6. Трампын "Brioni"-гийн хослол

Доналд Трамп Ерөнхийлөгч болсныхоо дараа анх удаа олны өмнө гарахдаа Brioni хослол өмссөн нь дуулиан тарьж байлаа.  

7. М.Зоригтын дээл

Трампаас дутахааргүй анхаарал татсан энэ дээл бол УИХ-ын гишүүн асан М.Зоригтын нэрийн хуудас. Бараг л муухан маркетингаас дээр явдал болсон. 

8. Тиффани Трампын хятад маягийн даашинз

Зөвхөн улстөрчид ч биш тэдний эргэн тойрны хүмүүс ч олны анхааралд байдаг. Жишээ нь, Тиффаны Трампын хятад маягийн даашинз дуулиан тариад авах жишээний.

Ub.life 2020.06.30

279