Хайх зүйлээ бичнэ үү

1 мин

Nike брэнд жирэмсэн болон амаржсан эмэгтэйчүүдэд зориулж шинэ коллекц гаргажээ


Nike брэнд анх удаа жирэмсэн үеийн болон төрсний дараах эмэгтэйчүүдийн бие галбирын өөрчлөлтөд нийцэх коллекц гаргалаа. 

Жирэмсний үед эмэгтэйчүүдийн бие хэрхэн өөрчлөгддөгийг мэдэхийн тулд Nike брэнд сүүлийн гурван жилд дэлхийн өнцөг булан бүрт амьдарч буй 150 мянган эмэгтэйн биеэс хэмжилт авч, судалгаа явуулсны үр дүнд уг коллекцоо гаргасан гэнэ. Жирэмсэн болон дөнгөж төрсөн эмэгтэйчүүдийн биед бүрэн нийцэхээс гадна үнийн хувьд боломжийн байх тал дээр анхаарсан гэж компанийн мэдэгдэлд дурджээ. 

Жижиглэн худалдааны шинжээч, GlobalData Retail судалгааны компанийн гүйцэтгэх захирал Нил Саундерсын хэлж буйгаар АНУ-д төрөлтийн түвшин харьцангуй тогтвортой байгаа ч жирэмсний хувцасны борлуулалт жилд дунджаар 3.2 хувиар нэмэгдэж байна гэжээ. "Загварлаг бөгөөд биед эвтэйхэн хувцас, хэрэглэл эмэгтэйчүүдэд хэзээ хэзээнээс илүү чухал болж, сүүлийн таван жилд эрэлт нь ч нэмэгдсэн" гэж тэрбээр ярьсан байна.   


Nike (M) нэртэй шинэ коллекц нь дотроо дөрвөн төрлийн бэлтгэлийн хувцаснаас бүрдэх бөгөөд бүгд дасгал, хөдөлгөөн хийхийн зэрэгцээ хүүхдээ хөхүүлэх, асрахад нийцсэн, жирэмсэн эмэгтэйн биед эвтэйхэн байхаар загварчлагджээ. Энэ коллекц есдгээр сарын 17-оос эхлэн Nike брэндийн сайтаар худалдаалагдаж эхлэх юм байна. Үнийн хувьд 45-85 долларын хооронд байх гэнэ.

Эх сурвалж: CNN

холбоотой мэдээ
1
14 цагийн өмнө
ФОТО: Дэлхийн хамгийн хүйтэн хотын өвөрмөц зураглалууд
2
17 цагийн өмнө
Трампын твиттер хаягийг хааснаас хойш худал мэдээлэл тархах нь 73 хувиар буурчээ
3
Уржигдар
Өөрийгөө "түрээслэх" үйлчилгээ явуулдаг япон залуу
санал болгох
1
15 цагийн өмнө
ADHD буюу "Анхаарал дутмагшил хэт хөдөлгөөнтөх" эмгэгтэй хүний 6 шинж
2
16 цагийн өмнө
Хүмүүсийн залуу байхдаа мэдсэн ч болоосой гэж хүсдэг АМЬДРАЛЫН 5 ДҮРЭМ
3
16 цагийн өмнө
Ажилчдын аз жаргалгүй байгааг даргад нь 'хэлдэг' бугуйвч

Энэ мэдээнд өгөх таны сэтгэгдэл?
2
0
1
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.