1 мин

Нью-Йорк хот янз бүрийн орц найрлагатай электрон тамхийг хориглох шийдвэр гаргажээ

О.Анхзаяа 2019.09.16 1

8

Нью-Йорк хотод өчигдрөөс эхлээд янз бүрийн орц найрлагатай электрон тамхийг хориглох шийдвэр гаргажээ. 

Ням гарагт болсон хэвлэлийн хурлаар Нью-Йорк хотын захирагч Эндрю Куомо бүх төрлийн орц найрлагатай электрон тамхийг зарж борлуулахыг хориглож буйгаа мэдэгдсэн юм.

Электрон тамхи хэрэглэснээс болж уушги нь 70 настай хүнийх шиг болсон өсвөр насны хүү болон комад орсон бүсгүй гэх мэт олон хэрэг явдал олныг цочролд оруулсан билээ. Мөн бохь, хөөсөн чихэр, ванилла зэрэг орц найрлагатай электрон тамхи бага өсвөр насныхныг уруу татах сэжим болж байна хэмээн үзжээ. 

Хэдийгээр электрон тамхи хор нөлөөгүй хэмээн үзсэн ч удаан хугацаанд хэрэглэх нь ямар сөрөг үр дагавар авчрах талаар хэн ч баттай мэдэхгүй билээ. АНУ даяар өнгөрсөн сард л гэхэд эрүүл мэндийн салбарт зөвхөн электрон тамхитай холбоотой байж мэдэх 450 тохиолдол бүртгэгджээ. Электрон тамхи үйлдвэрлэгч компаниуд захирагчийн шийдвэрийн эсрэг олон мэдэгдэл хийж, ямар ч аюулгүй хэмээн мэдэгдэж байгаа боловч уг шийдвэр өөрчлөгдөхгүй гэнэ.

О.Анхзаяа 2019.09.16

8