Норвеги улс ЛГБТ цагаачдыг тэргүүлэх зэрэгт тавина гэжээ
Норвегийн засгийн газар тус улс руу цагаачлах хүсэлт гаргасан хүмүүс дотроос нийгмийн цөөнх буюу ЛГБТ хүмүүсийг тэргүүн зэрэгт тавина гэдгээ мэдэгдлээ. Энэ нь цагаачлах хүмүүсийг сонгохдоо хувь хүн болон нийгмийн бүлэгт давуу эрх олгож буй анхны тохиолдол болж байна.
Гэхдээ уг бодлого нь зөвхөн орогнол хүссэн хүмүүст байнгын оршин суух эрх олгоход хамааралтай гэжээ. Өөрөөр хэлбэл, бэлгийн болон хүйсийн чиг баримжаанаасаа болж эх орондоо хавчлага, гадуурхалд өртөн, улмаар Норвеги руу орогнол хүсэж буй хүмүүст энэ бодлого үйлчлэх гэнэ.
"Одоогоор дэлхийн 70 оронд ижил хүйстэн байх нь гэмт хэрэгт тооцогдож байгаа бөгөөд бэлгийн болон хүйсийн хэм хэмжээг зөрчсөн хүмүүс эх орондоо хавчигдаж, ялгаварлан гадуурхагдаж болзошгүй байна" гэж Норвегийн Боловсролын яамны интегралчлалын асуудал хариуцсан төрийн нарийн бичгийн дарга мэдэгдэлдээ дурджээ.
Европын Холбооны парламентад Польш улсыг төлөөлөн сууж буй гишүүн Силвия Спурек Норвегийн засгийн газрын шийдвэрийг дэмжиж буйгаа илэрхийлээд "Улс бүхэн хүний эрхийн асуудалд ийм байдлаар хандах ёстой" гэжээ.
Rząd Norwegii wprowadza nowe wytyczne dot. starania się o status uchodźcy/dźczyni. Według nich osoby LGBT+ mają być traktowane priorytetowo w tym względzie podobnie, jak kobiety i dzieci. Każdy kraj powinien tak podchodzić do kwestii praw człowieka. https://t.co/m2mpny9Z9N
— Sylwia Spurek (@SylwiaSpurek) July 9, 2020
Норвеги улс ЛГБТ хүмүүсийн эрхийг хүлээн зөвшөөрөх, хүндэтгэх байдлаараа 2020 онд Европ тивдээ тавдугаарт жагсжээ. Норвегийн эрх баригчид тус улсад шилжин суурьших хүмүүсийн тоог жилд 3000 байх квотыг тогтоосон байна.
Эх сурвалж: Euro News