Онгоц газардах үедээ хүрэн баавгай дайрч, хөнөөжээ
"Alaska Airlines"-ийн онгоц Якутат нисэх онгоцны буудалд буух үедээ хүрэн баавгай дайрч, хөнөөсөн харамсалтай үйл явдал болсон тухай CNN мэдээллэв.
Кордовагаас Якутыг зорьсон онгоц газардах үед буух зурваст хоёр хүрэн баавгай явж байхыг нисгэгчид харсан аж. "Газардах үед онгоцны хамар баавгайг дайралгүй өнгөрсөн ч зүүн талын дугуй юм дайрах мэдрэгдсэн" хэмээн нисгэгч ярьжээ. Улмаар газардсаны дараа очиж харахад хоёр хүрэн баавгай хэдийнэ үхсэн байж.
Уг явдлаас болж онгоцны зүүн талын хөдөлгүүр бага зэргийн гэмтэл авчээ. Тухайн үед онгоцонд зургаан зорчигч байсан, ямар нэг гэмтэл бэртэл аваагүй байна.
"Би Аляскт насаараа амьдарч байна. Онгоц шувуу, болон өөр амьтад дайрч байсныг мэднэ. Харин баавгай дайрсан тухай огт сонсож байгаагүй" хэмээн нисэх буудлын хэвлэлийн төлөөлөгч Сэм Давчевич ярьжээ.