1 мин

Онцгой байдлын албан хаагчид он гарсаар нийт 900 гаруй хүний амь насыг авран хамгаалжээ

Ж.Мөнхзул 2019.08.13 3

10

Он гарсаар гамшиг, аюулт үзэгдэл, ослын 2293 удаагийн дуудлага нийслэлийн Онцгой байдлын газарт ирсэн байна. Дуудлагын дагуу нийслэлийн харьяа анги, байгууллагуудын бие бүрэлдэхүүн 900 гаруй иргэний амь нас, иргэд, аж ахуйн нэгж, байгууллагын 27 тэрбум төгрөгийн эд хөрөнгийг авран хамгаалжээ.

Туул  голын эрэг дагуу усны осол, үерийн аюулаас урьдчилан сэргийлэх зорилгоор зохион байгуулж байгаа завьт эргүүл арга хэмжээнд 1650 ажилтан, алба хаагч, 176 техник хэрэгсэлтэйгээр ажиллаж байна.

Мөн Цаг уурын албанаас ирүүлсэн мэдээллээр наймдугаар сарын 12-ны өдрийн байдлаар Хэнтий нуруунаас усжих Туул, Тэрэлж, Сэлбэ, Улиастай, Сөгнөгөр, Онон, өврийн Богд, Чигэстэй, Хангай нурууны арын Идэр, Орхон зэрэг голын усны төвшин өмнөх өдрийнхөөс 5-40 см нэмэгдсэн байна. Хэнтий нурууны баруун хажуугийн Хараа, Сэлбэ, Сөгнөгөр зүүн хажуугийн Хэрлэн, Онон, Хангайн нуруунаас эхтэй Байдраг, Алтай нурууны Ховд, Увс нуурын савын Хархираа, Хариг зэрэг голууд үерийн төвшинг 5-25 см, Туул гол, Лүн орчимд үерийн аюултай төвшинг 15 см даван тус тус хүчтэй үерлэж байна.

Иймд иргэдийг үер, усны аюулаас урьдчилан сэргийлэхийг нийслэлийн Онцгой байдлын газраас анхааруулж байна. 

Ж.Мөнхзул 2019.08.13

10