1 мин
Орангутан голд унасан байгаль хамгаалагчид "тусалжээ"
Ub.life
2 
2 
1 
Азийн хамгийн том арлуудын гуравдугаарт бичигддэг Борнео аралд саяхан нэгэн сонирхолтой үйл явдал болжээ. Голд унасан байгаль хамгаалагчид туслахаар гар сунгаж буй орангутаны зураг цахим сүлжээнд цацагджээ.
Хүн амьтны нандин холбоог илэрхийлсэн энэхүү гэрэл зургийг Индонезийн сонирхогч гэрэл зурагчин Анил Прабхакар тун санамсаргүй тохиолдлоор авчээ. Болсон явдлыг тодруулбал, зурагт орсон эрэгтэй Борнеогийн орангутан хамгаалах санд ажилладаг юм байна. Тэрбээр голд могой байна гэх нутгийн иргэдийн мэдээллийн дагуу очиж, могойг голоос холдуулах ажил хийх байхдаа ийнхүү шаварлаг голд унасан аж.
Харин орангутан түүн рүү ойртож, хэсэг ажиглаж байснаа гараа сунгажээ. Анил Прабхакарын мэдээлснээр байгаль хамгаалагч орангутаны "тусламжийг" авахаас татгалзсан гэнэ. Голоос гарсны дараа түүнээс шалтгааныг асуухад тэрбээр "Зэрлэг амьтан учраас иймд шийдвэр гаргасан" гэж тайлбарлажээ.
Сонирхуулахад, Борнеогийн орангутан хамгаалах сан нь 1991 онд байгуулагдсан ашгийн бус байгууллага бөгөөд өдгөө тус сангийн 400 орчим гишүүн Борнео арал дахь 650 орангутаныг арчлан хамгаалж байгаа юм.
Эх сурвалж: Daily Mail
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа
М.Гэрэлмаа 