Хайх зүйлээ бичнэ үү

2 мин

Парламентын үйл ажиллагааг сурвалжилдаг сэтгүүлчидтэй уулзаж, санал солилцов


Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс өнөөдөр (2019.10.22) Улсын Их Хурлын үйл ажиллагааг сурвалжлах, мэдээлэх журмын хэрэгжилттэй холбогдуулан парламентын үйл ажиллагааг сурвалжилдаг хэвлэл мэдээллийн байгууллагуудын сэтгүүлчидтэй уулзлаа.  

Эхлээд Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсийн дарга С.Батбаатар, Улсын Их Хурлын даргын 2014 оны есдүгээр сарын 22-ны өдрийн 145 тоот захирамжаар батлагдсан Улсын Их Хурлын үйл ажиллагааг сурвалжлах, мэдээлэх журмын хэрэгжилт ямар байгаа талаар болон журмаас гадуур ажиллахгүй байх талаар санал бодлоо илэрхийллээ.

Тэрбээр, "Парламент сурвалжлах ажилтныхаа ажлын ур чадвар, мэргэшсэн байдлыг харгалзан тухайн хэвлэл, мэдээллийн байгууллага нь сурвалжлах эрхийн үнэмлэх авах хүсэлтээ ирүүлдэг бөгөөд ирүүлсэн саналыг харгалзан Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс парламентын үйл ажиллагааг сурвалжлах эрх олгодгийг дурьдаад, өнөөдрийн байдлаар 170 гаруй хүнд сурвалжлах, мэдээлэх эрхийн үнэмлэх олгосноос 40-60 сэтгүүлч нь өдөр тутам Төрийн ордонд нэвтэрч, үйл ажиллагаа явуулдаг" хэмээн тэмдэглэлээ.

Мөн, Улсын Их Хурлын үйл ажиллагааг сурвалжлах эрхтэй хэвлэл, мэдээллийн байгууллагын ажилтан, сэтгүүлч нь Улсын Их Хурлын чуулганы хуралдааны дэгийн тухай хууль, Төрийн ордны тухай хууль болон холбогдох бусад хууль тогтоомж, дүрэм, журам, сэтгүүлчийн баримтлах ёс зүй, хэм хэмжээг мөрдөж ажиллах ёстойг тэмдэглэсэн юм.


Дараа нь сэтгүүлчдийн лавлаж, тодруулж асуусан асуултад хариулт өглөө.

Уулалтад оролцсон сэтгүүлчдийн зүгээс, Улсын Их Хурлын гишүүдээс журмаар тогтоосон цэгүүдэд ярилцлага авахад хүндрэлтэй байдаг, байнгын хороо болон чуулганы нэгдсэн хуралдаанд орж гэрэл зураг, дүрс авах боломжгүй байдаг нь мэдээллийн чанарт нөлөөлдөг тул журамд өөрчлөлт оруулах талаар саналаа хэлэв.



Энэхүү уулзалтаар, ажил үүргээ гүйцэтгэхдээ аль аль талдаа хүндэтгэлтэй хандаж, үүссэн асуудлыг шийдвэрлэх, холбогдох журам, дүрмийг баримталж ажиллах, журамд өөрчлөлт оруулах асуудлыг судлах талаар дэлгэрэнгүй санал солилцсон юм.  

Уулзалтад Улсын Их Хурлын Тамгын газрын Захиргаа, аж ахуйн асуудал хариуцсан Нарийн бичгийн даргын үүргийг түр орлон гүйцэтгэгч Я.Баттогтох, Хэвлэл мэдээлэл, олон нийттэй харилцах хэлтсийн ахлах референт Ш.Содномжамц нар байлцлаа гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
2020.03.23
БСШУС-ын яаманд АТГ-аас зөвлөмж хүргүүлэв
2
2020.03.16
УИХ-ын дарга Г.Занданшатар: Их сургуулийн эмнэлэг сургалт, судалгааны институци болох ё...
3
2020.03.05
Сургалтын зээл олгох, төлүүлэх, хөнгөлөх, чөлөөлөх, хүчингүй болгох журмын талаарх Тогт...
санал болгох
1
1 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
2
4 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ
3
Өчигдөр
Playlist: Цасан шуурганаар сонсоход хамгийн тохиромжтой 11 дуу

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.