2 мин

Playlist: Нэгдүгээр сард заавал сонсох 9 дуу

О.Анхзаяа 2021.01.01 16 4 1

14

Та бүхэндээ шинэ жилийн мэнд хүргэе. Энэ оныг эхлүүлж сонсох хэд хэдэн дууг та бүхэндээ санал болгож байна. 

1. London Grammar - Rooting For You

Дуу нь ч, аялгуу нь ч, хоолой нь ч гайхалтай. Таны сэтгэлийг дүүргэж, хөнгөхөн гунигт автуулах ч санаанаас тань удтал гарахгүй.

2. Frank Ocean - Godspeed

Энэ бол шархалсан зүрхээ анагаах үйл явцыг бүхэлд нь өгүүлсэн дуу. Явахыг үхсэж буй нэгэнд сайн сайхныг хүсээд тавьж явуулж буй утгатай энэ дуу танд яг л хүнд хэцүү бүхнийг тавьж явуулан, сэтгэлээ чөлөөлж буй мэт мэдрэмж төрүүлнэ.

3. Xavier Rudd - Follow the Sun

Амьдралд маш олон хэцүү зүйл тохиолддог, харъя гэвэл хэнд ч онцгүй, муухай талууд шууд үзэгдэнэ. Гэвч сайхан талуудыг харахыг сонгох үед юу тохиолддог вэ? Таны амьдрал ч дагаад өөрчлөгдөнө. Энэ дуунд байгальтай, амьтадтай илүү ойртож, “илүү” амьдрахыг өгүүлнэ.

4. Billie Eilish - idontwannabeyouanymore

Одоо байгаа өөрийгөө өөрчлөхийг хүсэж буй нэгний тухай. Та өмнөх тэр нэгэн баймааргүй, өөрчлөлт хүсэж байвал энэ дуу тантай ярилцах шиг болно.

5. Marvin Gaye - What’s Going On

Та илүү том зүйлд санаа зовж, илүү том зүйлийг өөрчлөхийг хүсэж байна уу? Энэ бол илүү сайхан өөрчлөлтийг хүсэж буй тухай дуу.

6. David Bowie - Golden Years

Таны сэтгэлийг дор нь өргөөд, босгоод ирэх тийм л дуу.

7. Curtis Waters - Better

Нэг л өдөр бүх зүйл илүү дээр болж, би ч өөрөө илүү сайжрах байх гэх утгатай энэ дууны аялгуу танд эрч хүч, хэмнэлийг мэдрүүлнэ.

8. Cyn - I’ll Still Have Me

Жаахан уйлах хүсэлтэй хүмүүст зориулж байна. Түүнтэй цуг байж чадахгүй байлаа ч ядаж л надад “би” байна.

9. Palace - Heaven Up There

“Дээр диваажин байгаа болов уу? Учир нь энэ доор там шиг байна” гэх үгтэй ч энэ дуунд итгэл найдвар хадгалагдсан байдаг. Тэр дээр ямар нэг зүйл байдаг, тэнд диваажин байдаг гэх итгэл, илүү сайхан зүйл байх болно гэх найдварыг өгөх болно. “Энэ доор байх хугацаандаа илүү сайн хүн баймаар байна” гэх үг нь таны сэтгэлийг хөдөлгөнө.

О.Анхзаяа 2021.01.01

14