Сэлэнгэ аймгийн халдвартай иргэд бүгд эдгэрч, сувиллын болон гэрийн хяналтад шилжлээ
Өнөөдөр Сэлэнгэ аймгийн Нэгдсэн эмнэлгийн Ковидын тасагт эмчлүүлж байсан 7 иргэн бүрэн эдгэрч, бүгд сувиллын хяналтад шилжлээ.
Ингээд халдвар авсан 217 иргэн эдгэж, сувиллын болон гэрийн хяналтад бүрэн гараад байна. Эдгэрсэн иргэд болон аймгийн хэмжээнд хяналт, тандалтын ажлыг үргэлжлүүлэн хийж байна. Сэлэнгэ аймаг "Ногоон бүс" болох ойрхон байгаа хэдий ч энэ цаг үед ард иргэд маань анхаарал, сэрэмжээ алдалгүй халдвар, хамгааллын дэглэмээ сахиарай.
Ж.Од даргатай нэгдсэн эмнэлгийнхээ эмч, ажилтнууддаа болон дэглэмээ хариуцлагатай сахисан сэлэнгэчүүддээ талархал илэрхийлье гэж ЭМЯ-наас мэдээллээ.