2 мин
Сэтгэлийн шаналлаас болж үхэх магадлалтайг эрдэмтэд тогтоожээ
О.Анхзаяа
8 
7 
1 
Сэтгэл гутрал, гадуурхалт, айдас, уур хилэн, ганцаардал зэргийг туйлд нь хүртэл мэдэрч үзсэн хүмүүсийн зүрх шархалсан байдаг. Тэр ч байтугай хэтэрхий их аз жаргал, сэтгэл хөдлөл хүнийг цочролд оруулж зүрхийг өвтгөдөг байна. Гэхдээ бид үнэхээр сэтгэл шаналлаас болж үхэх боломжтой юу?
Бидний сэтгэл санааны байдал биеийн эрүүл мэндтэй салшгүй холбоотой. Эрхтэн дундаа зүрх хамгийн эмзэг нь. Сэтгэлийн шаналал бие организмд хэрхэн нөлөөлж, өвчлүүлдгийг тогтооход бэрх. Зүрх нь шархалсан хүн шууд зүрхний өвчтэй болсон гэсэн үг биш боловч аажимдаа хэм алдагдах, шигдээс болох магадлал нэмэгддэг аж. Хүмүүс сэтгэлийн шаналал нь өвчин болсныг анзаардаггүй учраас ямар нэг арга хэмжээ авахгүй байх нь олонтаа. Эрүүл хүн шиг алхаж, ажиллаж, инээх боловч зүрхэнд нь байнгын сөрөг өөрчлөлт орсоор байдгийг эрдэмтэд тогтоожээ. Цусны шинжилгээгээр зүрхний ийм төрлийн өвчлөлийг илрүүлэх аргагүйг онцлууштай. Гэхдээ зүрхний титэм судасны ангиографи үзлэгээр зүрхний үйл ажиллагааны өөрчлөлтийг илрүүлэх боломж бий.
Хайртай хүнээ алдах, хэт айх, ганцаардах зэрэг нь зүрхийг хамгийн ихээр шаналгадаг мэдрэмж. Зүрхний шигдээсийн үүслийг тодорхойлоход хүнд учир сэтгэл шаналлаас болж нас барсан гэж хүлээж авах нь ховор, тэгсгээд гол шалтгаан нь замхардаг гэж тэд үзжээ. Ийм шалтгаантай бол зүрхний шигдээсийн энгийн тохиолдол шиг артерийн судас бөглөрч эсвэл нарийсаагүй байдгаараа онцлог.
Сэтгэл шаналлаас болж зүрх нь хямарсан хүний цээж хэсгээр гэнэтийн өвдөлт мэдрэгдэж, стресс болон ядаргаанаас болж амьсгал нь хүндэрч, тасалддаг байна. Стресс зүрхний хэмнэлд шууд нөлөөлдөг талтай.
Энэ бүхнээс харахад шархалсан зүрх, уйтгар гуниг хүний амийг авах чадалтай аж. Зүрх өдөр ирэх тусам сульдаж, бие махбод, сэтгэл санаа ямар ч байсан үхлийн эрсдэл байсаар байх тул сайтар анхаарах хэрэгтэй хэмээн судлаачид зөвлөжээ. Хэрэв сэтгэлийн шаналлаас үүдэн зүрх давхар хямарсан байвал сэтгэл зүйчид очихоос гадна зүрхний эмчээр эмчлүүлэх хэрэгтэй. Үүний зэрэгцээ бясалгал, йог, амралт, эрүүл хооллолт зэрэг дэглэм баримтлах нь чухал. Эцэст нь, сэтгэл шаналгаж байсан шалтгаанаа хэсэг зуур ч атугай мартаж, одоогоороо амьдрах нь эмчилгээний гол арга юм. Хэн нэгнээс хайрыг мэдэрч, бас хайрыг мэдрүүлж, өөрөө өөртэйгөө ярилцан, зүрхээ аз жаргалаар бялхааж, амар тайван байснаар ийм төрлийн өвчлөлөөс сэргийлэх бүрэн боломжтой.
Эх сурвалж: heart.org
Хамгийн их уншилттай 
холбоотой мэдээ 
санал болгох 
М.Гэрэлмаа 
Uka 2020.05.27 162.158.106.27
Uneheer unen shu! Bi gadaadad surdag bsanl daa. Bi ih surguulia togsoj chadaagu deres ni eej aavdaa ter tuhaigaa helj chadku shanalaj yvsnaas bolod minii bie muudaj ehelsen. Jhn daaraal hanaid hured ter ni hundreed edgerch uguhgu 1 sar bolno tgd udalgu huiten hols garad zgr bolku, shono sn untaj chadku shono bolgon bosoj yvdag butsaj untah gj zovdog blaa. Tgd suuldee bur 2 tsag tutamd mash ih ydarch haa bsan gazraa shuud hurhiraad untah shaardlagtai boldog bolson. 1 minut ch tvan bj chadku bgaga mederch baingin shanaldag blaa. Uneheer l bur ygd bga ni mdegdehgu, hund ovchin tussin boluu gd emchid uzuulheer zuv zgr gd bur yaahaa medhee bj blaa. Tgd suuldee nileen heden udaa zurh huchtei delselj mash ih salaglaj ehelsen tgher ni yg shinj temdeg ni bga der ni emchid uzuultel nmg gun hyamrald orson bn. Het ih hyamarhaar setgel gutrald orsnoos bolod anxiety attack bolson bsan. Tgd nadad depressionii mash huchtei em ugsun. Ter emiig uusnaas hoish setgeld shanalal medegdeh bolgond emnii amt medregdej em nmg taivshruuldag bolsnoos hoish bie maani mash ih deerdsen. Ghde gol shaltgaa ni ni oorchlogdoogu bsan blhor shanalsan heveer l bsan. Ghde bie ovdoh ni gaigu bolj ehelsen lde. Tgd 2 jiliin daraa surguulin asuudal shiidegdseneer minii bie ers saijirch ehelsen. Tvan bj chaddag bolj iluu az jargaltai bolj ehelsen. Het ih ovdod hend ch hereggu bolod hunii asramjind bh ulam hetsu bolgoj amia horolmoor ch sanagddag ym bn le shu. Bi euuger yu heleh gsn be gvl setgel sanaanas bolj bie ovddog gdg ni batlagdsan zuil gdgig uhaarch medeesei bas bolgoomjloosoi gj husej bn bas bugdend ni az jargal amar amaglang husen yuruuy. Cancer setgel shanalaas bolj uuseg ym shig bn le.
3 0 Хариулах
Зочин 2020.07.11 172.69.252.149
(Y)
0 0 Хариулах