Хайх зүйлээ бичнэ үү

1 мин

Ши Жинпинийг шүүмжилсэн Хятадын тэрбумтан авлигын хэргээр 18 жилийн ял сонслоо


Хятадын тэрбумтан, үл хөдлөх хөрөнгийн магнат Рен Жичианг авлигын хэргээр шүүхээс 18 жилийн ял сонссон тухай CNN мэдээлжээ. Тэрбээр өнгөрсөн гуравдугаар сард Хятадын удирдагч Ши Жинпиний коронавирусийн цар тахлын эсрэг хэрэгжүүлж буй бодлогыг шүүмжилсэн эссэ бичсэнийхээ дараа олны нүдэнд үзэгдэхээ больсон юм. 

Бээжин хотын шүүх Ренийг 16.3 сая доллартай тэнцэхүйц төсвийн мөнгийг шамшигдуулсан, хээл хахууль авсан, эрх мэдлээ урвуулан ашиглаж төрийн өмчит компанид 17.2 сая долларын хохирол учруулсан гэх мэт хэд хэдэн үндэслэлээр буруутгаж, ялласан байна. Шүүхээс өчигдөр түүнд 18 жилийн хорих ял, 620 мянган долларын торгууль ногдуулжээ. 

Өдгөө 69 настай Рен нь Коммунист намын нөлөө бүхий гишүүн байсан бөгөөд Хятадын улс төрийн талаар сүүлийн жилүүдэд илэн далангүй ярьж байв. Гуравдугаар сард нийтлүүлсэн эссэндээ тэрбээр хэвлэлийн эрх чөлөөнд намаас үзүүлж буй дарамт шахалт, намын доторх санал зөрөлдөөнийг үл тэвчих байдлыг шүүмжилжээ. Рен Хятадын удирдагч Ши Жинпиний нэрийг цохон дурдаагүй ч эрх мэдэлд шунасан "алиалагч" гэсэн байжээ. Түүнчлэн "Бодит баримтыг дэлгэх замаар олон нийтийн  ашиг сонирхлыг төлөөлдөг хэвлэл мэдээллийн хэрэгсэл үгүй бол вирус, улс төрийн системийн аль аль нь ард түмний амьдрал халтай" гэж бичжээ. 

Хятадын Коммунист нам нь төрийн эрх баригчид, тэдний бодлогод харшлах байр суурь илэрхийлсэн гишүүдээ шийтгэхдээ ихэвчлэн авлигын хэргээр халхавчилдаг бөгөөд энэ удаа Ренд оноосон шийтгэл бол Хятадын Коммунист намын элит гишүүдэд өгч буй сануулга гэж ажиглагчид тайлбарлаж байна.

Эх сурвалж: CNN

холбоотой мэдээ
1
8 цагийн өмнө
АНУ-ын Ерөнхийлөгчийн сонгуулийн таамгууд юу хэлнэ вэ?
2
13 цагийн өмнө
Voice шоуны шүүгч Блэйк Шелтон, Гвен Стефани нар сүй тавьжээ
3
Уржигдар
Скандинавын хойгийг төв Европтой холбох стратегийн хонгил: усан доогуурх 18 км туннел
санал болгох
1
8 цагийн өмнө
Жүжигчин Киану Ривз "Matrix 4" кинонд зориулан "алдарт" үсээ тайрчээ
2
8 цагийн өмнө
Олон ажил зэрэг амжуулах нь сэтгэл зүйн эрүүл мэндэд сөрөг нөлөөтэй
3
13 цагийн өмнө
Хэллоуны баярын энэ жилийн хамгийн хөгжилтэй, содон 21 чимэглэл

Энэ мэдээнд өгөх таны сэтгэгдэл?
0
0
0
1
1
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.