3 мин

Шимэгч кинонд гардаг жижиг мэт боловч гүнзгий утгатай 15 ДҮРСЛЭЛ

Ub.life 2020.02.10 23 15 12

2559

Өнгөрсөн онд шуугиан тарьсан Шимэгч (Parasite) кино Оскарын дөрвөн номинацид шилдгээр шалгарч, Азийн кино урлагт тодоор бичигдэх амжилтыг тогтоолоо. 

Тэгвэл та кинонд гардаг жижиг боловч гүнзгий утга шингээсэн 15 дүрслэлийг анзаарсан уу?   

1. Найруулагч Бун Жун У,  зураглаач Кён-пё Хон нар киноны эхлэл хэсгээс л баян, хоосны шугамыг тодорхой гаргасныг харж болно. Гэрийн эзэгтэй үйлчлэгч Мүн Гвуантай уулзаж буй хэсгийг нарийн анзаарвал цонхны өнцөг хатагтай Парк, үйлчлэгч хоёрыг зааглаж буйг харж болно. 

2. Паркийн гэрт Альфред Хичкокын киноны бүтэн цуглуулга байгааг анзаарсан уу? Найруулагч Бун Жун У Их Британи, АНУ-ын алдарт кино зохиолч, продюсер Альфред Хичкокоос урам зориг авч, киноныхоо зарим хэсэгт шигтгэж өгсөн тухай ярьж байжээ. 

3. Үйлчлэгч Мүн Гвуан халагдсаны дараа гэрийн эзэн Парк түүний ганц дутагдал нь хоёр хүний хоол иддэг байсан явдал гэж ярьдаг. Харин киноны дараагийн хэсэгт үйлчлэгч эмэгтэй нөхрөө нууц хонгилд олон жилийн турш нууж байсан нь ил болно. 

4. Байшинг бүтээсэн архитекторыг Намгүүн гэдэг. Бун Жун У найруулагчийн "Цас ханзлагч" кинонд  галт тэрэгний аюулгүй байдлын нууцлалыг бүтээсэн мэргэжилтнийг ч бас Намгүүн гэдэг билээ. 

5. Ки Вү Йонсей их сургуулийн оюутны хуурамч гэрчилгээг үйлддэг. Бун Жун У найруулагч тус их сургуульд  социологийн чиглэлээр суралцаж байжээ.   

6. Кимийн гэр бүл хамгийн анх гардаг сцен дээр тэд FiLite гэх хямд пиво ууж буй нь харагдана. Харин Ки Вү, Ки Жүн нар Паркийн гэрт ажиллаж эхэлсний дараа Солонгост үнэтэйд тооцогддог Саппоро дээд зэрэглэлийн шар айргийг гэр бүлээрээ уудаг болсныг харуулжээ. 

7. Гэрийн эздийг аялалд явсан хойгуур Кимийн гэр бүл "найрладаг" хэсэгт жижиг алдаа гарчээ. Ки Жүн зүүн гартаа хатаасан мах барьж харагдана. Харин хонх дуугарч, камер солигдмогц хатаасан мах түүний баруун гарт очсон байхыг гярхай үзэгчид анзаарчээ. 

8. Да соны зурсан зураг өөрийнх нь хөрөг биш, хонгилд амьдарч байсан гэрийн үйлчлэгчийн нөхөр (Гиун Сэ) байсан нь киноны төгсгөлд тодорхой болно. 

9. Ки-тэек өмнө нь Тайванийн дэлгүүрт жолоочоор ажиллаж байсан тухайгаа ярьдаг. Угтаа тэр нь Гиун Сэгийн нээн ажиллуулж, сүүлд их хэмжээний өрөнд ороход хүргэсэн дэлгүүр мөн билээ.  

10. Гэрийн эзэд аялалд явсан хойгуур Кимийнхэн байшинг өөрийнх мэт аяглана. Энэ хэсэгт Жини Морандийн "In ginocchio da te" нэртэй хөгжим эгшиглэдэг. Моранди 1960-аад оны үед баян, хоосны ялгааг харуулсан хэд хэдэн инээдмийн жанрын кинонд тоглож байсан юм. 

11. Найзынхаа бэлэглэсэн чулууг шөнөжин тэвэрч хоносныг Ки Вүгийн гарт орсон оромноос харж болно. 

12. Киноны төгсгөлд, Парк болон Ки-тэек нарын өмсөж харагддаг индиан толгойн гоёл Да соны өрөөнд байгааг анзаарсан уу? 

13. Паркийн гэр бүл ирж буйг мэдсэн Чун-Сок яаран сандран ширээг цэвэрлэхдээ өөрийнхөө утсыг санамсаргүй хогийн саванд унагадаг. 

14. Киноны эхэнд Ки-тэек ширээн дээр байсан шавжийг шилбүүрдэж унагадаг. Харин киноны төгсгөлд тэрбээр Паркийн нүдэнд өнөөх шавж байгаа мэтээр хардаг билээ. 

15. Киноны эхэнд, Чун-Сок Ки Вүгийн найзыг чулуу авчрахын оронд хоол авчирсан бол аштай юу гэж хошигнодог. Харин киноны төгсгөлд Ки Жү хонгилд байх Гиун Сэ (үйлчлэгчийн нөхөр) хоол өгөх гэсэн боловч чаддаггүй. Оронд нь Ки Вү чулууг авч доошоо бууснаар эмгэнэлт аллагуудын эхлэлийг тавьдаг.

Эх сурвалж: Buzzfeed

Ub.life 2020.02.10

2559