1 мин

Шимэгч киноны фэнүүд Шэрон Чойд "шилдэг орчуулагч"-ийн шагнал олгожээ

Б.Саруул 2020.02.11

Шимэгч киноны уран бүтээлчид Оскарын дөрвөн гол номинацид шилдгээр шалгарч, Азийн кино урлагт тодоор бичигдэх амжилтын эзэд боллоо. Гэвч киноны шүтэн бишрэгчид дахин нэг шагналын эзнийг тодруулах нь зүйтэй гэж үзсэн бололтой. Сошиал медиагийн зарим хэрэглэгч Шэрон Чойд "шилдэг орчуулагч"-ийн шагнал өгөх хэрэгтэй гэж хошигножээ.

Оскарын шагнал гардуулал ёслол өндөрлөсний дараа үзэгчид Шимэгч киноны бахдам амжилтад баярлахын зэрэгцээ найруулагч Бун Жун Угийн орчуулагч Шэрон Чойд талархал илэрхийлж, түүний орчуулах авьяасыг магтаж байв. Тэрбээр найруулагч Бун Жун Угийн оролцсон кино наадам, нэвтрүүлэгт бүрд орчуулагчаар ажиллаж байсан билээ.

and best translator award goes to sharon choi pic.twitter.com/jZk4WgUpHj
— therese ⁷ (@needyggukie) February 10, 2020

Найруулагч Бун Жун У The Hollywood Reporter-т өгсөн ярилцлагадаа Шэрон Чойг Шимэгч киноны шүтэн бишрэгч хэмээгээд "Тэр бол төгс орчуулагч, бид бүгд түүнээс хамаарч байна. Мөн тэр гайхалтай кино уран бүтээлч" гэж ярьжээ.

Солонгос - америк гаралтай Шэрон Чой өдгөө 25 настай бөгөөд кино урлагийн чиглэлээр их сургууль төгссөн аж. Найруулагч Бун Жун У өнгөрсөн жилийн тавдугаар сар буюу Каннын кино наадмаас хойш хамтран ажиллаж байгаа гэжээ.