3 мин

Шинэ эможин утгыг тайлбарлах "хэлэлцүүлэг" сошиал медиад өрнөж байна

Б.Саруул 2020.02.04

ЮНИКОД консорциум өнгөрсөн нэгдүгээр сард "хуруугаараа чимхэж" буй дүрсийг илэрхийлсэн шинэ эможиг албан ёсоор хэрэглээнд нэвтрүүлж буйгаа мэдэгдсэн. Эможины утгыг тайлбарласан 14 хуудас материалд дурдсанаар, италичуудын соёлоос улбаалсан уг эможи нь "Юу хүсээв?" (италичууд үүнийг олон төрлийн утгаар ашигладаг ч хамгийн их илэрхийлдэг утга нь энэ юм байна) гэсэн утгыг илэрхийлдэг гэжээ. Мөн "Италийн хэл соёл, амьдралын хэв маяг дэлхий дахинд түгж буй өнөө үед илүү олон хүн италичуудын өргөн хэрэглэгддэг энэхүү гарын дохио зангааг хэрэглээсэй хэмээн хүссэн" гэж эможиг бүтээгчид тайлбарласан байна.

Гэвч уг эможиг ямар нөхцөлд, хаана хэрэглэж буйгаас хамаараад маш олон төрлийн утга илэрхийлдэг болохыг хүмүүс тайлбарлаж, энэ талаар цахим ертөнцөд мэтгэлцээн өрнүүлж байгаа аж.

Сэтгүүлч Ким Зеттерийн тайлбарласнаар, "хуруугаараа чимхэж" буй уг илэрхийлэмж нь Израильд маш өргөн утгыг илэрхийлдэг гэсэн юм. Тухайлбал, хэн нэгэнд уурлаж, бухимдсан үед ийм дохио зангаа гаргадаг бөгөөд "Түр азнаач", "Үүнийгээ дахин нэг бодож үзээрэй" гэх мэт, заримдаа бүр "WTF" гэсэн утгыг ч илэрхийлдэг гэжээ.

In Israel, you generally use this gesture when you're annoyed or angry with someone - it means "hold your horses," "just a minute", "be patient" or even "wtf?" Apparently, not everyone uses it this way. I'm guessing this new emoji is going to be confusing. https://t.co/7Ngje3Rd5V
— Kim Zetter (@KimZetter) January 29, 2020

Харин Арабын ертөнцөд энэ нь хоёр гол утгыг илэрхийлдэг аж. Нэг талаас тайвшир, хүлээ, азна гэх утгатай бол бусдыг айлгаж, заналхийлэх үед "Чамд юу тохиолдохыг харж л байя" гэсэн сүрдүүлгийн утгыг илэрхийлдэг байна. Харин Энэтхэгт хэн нэгнийг өлсөж буй эсэхийг асуухдаа иймэрхүү дохиог ашигладаг гэжээ.

This emoji represents several things in the Arab world, including two extremes: شوية شوية (slowly, wait, calm down, patience etc) or رح تشوف (you will see what will happen to you, as in a threat)... https://t.co/n4qK6cdjqj
— Emile Hokayem اميل الحكيّم (@emile_hokayem) January 31, 2020

Ийнхүү зарим сошиал хэрэглэгчид "хуруугаараа чимхэж" буй эможиг өөрийн хэл, соёлын онцлогт тулгуурлан тайлбарлаж байгаа бол зарим нь хошин утгаар ч тайлбарлаж байгаа юм. Жишээ нь, "Аяга таваг, халбага сэрээ ашиглахгүйгээр хоол идэхийг хэлж байгаа юм", "Чимх давсыг хэлж байна" гэх мэтчилэн өөрсдийн санааг нэмэрлэсэн байна.

If we flip it, it’s the international symbol for a “pinch of salt” pic.twitter.com/SLvySM8sHI
— Lance Ulanoff (@LanceUlanoff) January 29, 2020

Тэгвэл дээрх эможиг К-поп соёлтой холбон тайлбарлах ч хүмүүс байгаа юм. Тухайлбал, дуучин, жүжигчин Күон Юүри солонгос баншийг уг дохиогоор илэрхийлж, шүтэн бишрэгчдийнхээ дунд трэнд болгож байжээ. Түүнчлэн энэхүү гарын дохиог "I mandu you" гэсэн хэллэгтэй хоршин хэрэглэх нь түгээмэл бөгөөд угтаа энэ нь "Би чамд хайртай" гэсэн утгыг Юүри стилиэр илэрхийлж буй хэлбэр гэж к-поп сонирхогчид тайлбарлажээ.

Холбоотой мэдээлэл: Дэлхий нийт ямар эможиг хамгийн их ашигладаг вэ?

Эх сурвалж: BBC