Хайх зүйлээ бичнэ үү

2 мин

Скандинавын хойгийг төв Европтой холбох стратегийн хонгил: усан доогуурх 18 км туннел


Балтийн тэнгисийн 40 метрийн гүнд Дани, Герман улсуудыг холбосон 18 км урт туннел барих ажил албан ёсоор эхэллээ. Арав гаруй жил төлөвлөсний эцэст эхлүүлж буй Фемарнбелтийн туннел гэгдэх энэхүү бүтээн байгуулалт дэлхийн хамгийн урт усан доогуурх гарц болох юм. 2029 онд нээх энэхүү тэнгисийн гарц Европ дахь хамгийн том бүтээн байгуулалтуудын нэг бөгөөд барилгын ажлын нийт өртөг 7 тэрбум евро (8.2 тэрбум ам.доллар) болохоор байна. 

1993 онд Англи Францыг холбосон алдарт Сувгийн туннелийг 12 тэрбум фунт стерлингийн өртгөөр 50 км урттай барьсан юм. Үүнийг хонгил ухах машинаар нүхлэн ухаж барьсан бол шинэ туннелийг барихдаа урьдчилан барьсан хонгилуудыг усан доор байршуулж буй юм.  

ЗурагТайлбар



Германы Фемарны арал болон Данийн Лолланн арлын хоорондох хоолойгоор жил бүр хэдэн сая хүн гатлага онгоцоор нааш цааш зорчдог юм. Ингэж зорчиход талдаа 45 минут зарцуулдаг бол шинэ баригдах туннелээр галт тэрэг 10 минут, машин 7 минут л явах аж. Хүмүүсийн хамгийн их зорчдог маршрут болох Хамбург Копенгаген хотуудын хооронд одоогийн байдлаар 4 цаг 30 мин явж буй бол туннел ашиглалтанд орохоор энэ хугацаа хоёр дахин багасах юм. 

Зөвхөн зорчих тээврээс гадна улс дамнасан худалдаа, ачаа тээвэр ч энэ хоолойгоор явах нь гарцаагүй. Учир нь шинэ замаар явбал Шведээс Төв Европ хүртэлх замыг 160 км-ээр товчлох боломжтой. Нэг ёсондоо Скандинавын хойгоос Даниар дамжин Герман, Төв Европ хүрэх замыг ойртуулах стратегийн хонгил гэж нэрлэж болно. Нөгөөтэйгүүр уг туннелийг барьж, ашиглах нь хуурай болон агаарын замын ачааллыг мэдэгдэхүйц багасгаж, хүрээлэн буй орчинд ээлтэй, хариуцлагатай шийдвэр болохыг мэргэжилтнүүд дурджээ. 

эх сурвалж: CNN

холбоотой мэдээ
1
Өчигдөр
45 метр урттай хамгийн гүнзгий усан сан Польш улсад нээгдлээ
2
Уржигдар
Коронавирусийн эсрэг вакцин ХЭЗЭЭ, ЯМАР ӨРТГӨӨР бидэнд ирэх вэ?
3
3 өдрийн өмнө
СУДАЛГАА: 2050 он гэхэд дэлхийн хүн амын 50 хувь нь илүүдэл жинтэй болно
санал болгох
1
24 минутын өмнө
Дэлхийд гарцтай бизнесийн боломж
2
1 цагийн өмнө
Өндөрлөг бүхий 67 газарт сайжруулсан түлш борлуулах цэг байгуулж байна
3
2 цагийн өмнө
Инфографик: "40 жил 40 амжилт" буюу "Herbalife Nutrition" компанийн замнал

Энэ мэдээнд өгөх таны сэтгэгдэл?
0
0
1
0
0
0
0
0