1 мин

Сон Е-Жин, Хён Бин нар болзож буйгаа албан ёсоор зарлалаа

Ж.Мөнхзул 2021.01.01 16 3 2

10

2021 оны хамгийн эхний сайхан мэдээг дуулгая. Өнгөрсөн онд шуугиан тарьсан “Crash landing on you” киноны гол дүрийн жүжигчид Сон Е-Жин, Хён Бин нар болзож буйгаа албан ёсоор зарлалаа. Хён Бины төлөөлөгч агентлаг “VAST Entertainment” шинэ оны эхний өдөр энэхүү мэдээллийг бататгаж, жүжигчид кино зурагт авалт дууссаны дараачаас бие биедээ татагдаж, дотносч эхэлснээр ийнхүү романтик харилцаа үүсгээд байна гэсэн юм. Мөн агентлагийн зүгээс “үзэгч та бүхэн тэдний харилцааг халуун дулаанаар хүлээж авч, ирээдүйд нь амжилт хүснэ гэдэгт итгэж байна” гэлээ.

Өмнөд, Хойд Солонгосыг холбосон гайхалтай хайр дурлалыг дэлгэцэнд бүтээсэн тэд болзож байх магадлалтай хэмээн үе үе хэвлэлээр “сэрдэгдэх” бүртээ уг мэдээллийг няцааж байсан юм. Тэд эхлээд Лос Анжелес хотод хамтдаа супер маркетад яваа зураг нь интернетэд тавигдахад няцааж, зөвхөн тэнд тааралдсан гэцгээв. Дараа нь 56 дахь удаагийн Бэксанг Авардсын дараа жүжигчин бүсгүй Хён Биний Инстаграм дахь 40-өөд зурганд хоёр цагийн дотор зүрх дарсан нь фэнүүдэд нь "сэжиг төрүүлжээ". Харин өнөөдөр жүжигчин бүсгүйн төлөөлөгч агентлаг тэднийг 8 сар гаруй үерхэж буйг баталсан мэдэгдэл хийсэн билээ. Тэгэхээр хосууд харилцаагаа удаан хугацаанд нууцлаж байсан байх нь.

Дэлгэцэнд бүтээсэн хосын дүр нь үзэгчдийн сэтгэлийг уяраасан тэд бодит амьдрал дээр ч мөн хамтдаа аз жаргалаа олохыг ерөөх үлдлээ.

эх сурвалж: soompi

Ж.Мөнхзул 2021.01.01

10