СОНГУУЛИЙН ОРОЛЦОО: 18-25 насны залуучуудын дунд хийсэн судалгаанаас онцлох 5 ҮЗҮҮЛЭЛТ
2016 оны сонгуульд 18-25 насны залуучуудын 50 хувь нь саналаа өгсөн гэх статистик мэдээлэл бий. Тэгвэл Зориг сан залуучуудыг сонгуульд оролцоход нөлөөлж буй хүчин зүйлс, шалтгааныг тодруулах зорилгоор 18-25 насны 680 залуугийн дунд судалгаа явуулжээ. Энэхүү судалгааг удирдаж явуулсан Японы Васеда их сургуулийн Улс төр судлалын докторант С.Болдсайхан судалгааны урьдчилсан үр дүнгээс бидэнтэй хуваалцлаа.
"Сонгуульд яагаад саналаа өгдөг вэ" гэсэн асуултад залуучуудын 82 хувь нь иргэний үүрэг учраас гэж хариулжээ. Мөн сонгуульд оролцоход нөлөөлдөг хүчин зүйлсийн гуравдугаарт гэр бүлийн нөлөөлөл багтжээ.
Судалгаанд оролцсон залуучуудын 17 хувь нь өнгөрсөн сонгуулиар "юу ч бодолгүй хэн нэгэнд саналаа өгсөн" гэж хариулжээ.
Залуучуудын 35 хувь нь завгүй байсан учраас сонгуульд оролцоогүй гэжээ. Мөн 23 хувь нь хэнд, яаж саналаа өгөхөө мэдэхгүй байсан гэж хариулжээ.
Судалгаанд оролцогчдын 68 хувь нь боловсролын салбарын шинэчлэлийг нэн тэргүүнд тавьжээ.
Залуучуудын түгээмэл хэрэглэдэг сошиал платформоор фэйсбүүк, инстаграм, юүтүб нэрлэгджээ.