Хайх зүйлээ бичнэ үү

1 мин

СУДАЛГАА: Эмэгтэйчүүд "хөвсгөр" эрчүүдийг хамгийн сайн аав болно гэж үзжээ


Сайхан биетэй эрчүүдэд ямар ч эмэгтэй татагдана. Гэхдээ гэр бүл зохиох, эцэг болох талаас нь харахдаа тэд эрчүүдийг арай өөр нүдээр харж, өөр шалгуур тавьдаг болохыг Миссиссиппигийн Их Сургуулийн хийсэн судалгааны үр дүн харуулжээ. 

Тус судалгаанд 800 эмэгтэй оролцсон бөгөөд туранхайгаас эхлээд үл ялиг илүүдэл жинтэй, янз бүрийн биеийн галбиртай эрэгтэйчүүдийн зургийг тэдэнд үзүүлжээ. Зургийг үзсэний дараа эцэг хүний сайн ба муу зан чанарыг тодорхойлсон 36 хариултаас сонгож, тэдгээр эрчүүдийг тодорхойлох даалгавар өгсөн байна.

Сайн гэдэгт "Энэ хүн хүүхдээ гэрийн даалгавраа хийхэд нь тусалдаг юм шиг харагдаж байна", "Энэ хүн хүүхдэдээ шинэ зүйл заахыг хичээдэг байх" гэх мэт хариултууд байсан бол муу гэдэгт "Энэ хүн хүүхдүүдийг ядаргаатай гэж боддог байх", "Энэ хүн хүүхэдтэй харьцахдаа эв дүйгүй байх" зэрэг хариулт багтжээ. 

Сонирхолтой нь, үл ялиг илүүдэл жин, бага зэрэг гүзээтэй эрчүүдийг (dad bod) судалгаанд оролцсон эмэгтэйчүүд сайн аав гэж үнэлсэн бол спортлог бие галбиртай эрчүүдэд эсрэгээрээ хамгийн муу үнэлгээг өгчээ. 

Гэхдээ энэ нь тарган эрчүүд сайн болно гэсэн дүгнэлт биш болохыг судалгааг ахалж явуулсан эрдэмтэн Доналд Сакко онцолжээ. Учир нь, эмэгтэйчүүдэд үзүүлсэн зурагт хэт илүүдэл жинтэй хүн байгаагүй аж. Dad bod буюу үл ялиг илүүдэл жинтэй эрчүүд гэдэгт Холливудын жүжигчин,  дөрвөн хүүхдийн эцэг Мэтт Дэймоныг жишээ болгожээ.

Эх сурвалж: The Guardian

холбоотой мэдээ
1
5 цагийн өмнө
FinСEN материалууд: | Гэмт хэрэгтнүүд хэрхэн Нью-Йоркийн банкуудаар дамжуулж мөнгө угаа...
2
Өчигдөр
81 насандаа код бичихийг сурсан өндөр настан тоглоомын аппликэйшн бүтээжээ
3
Өчигдөр
Qantas компанийн 7 цагийн нислэгийн тийз 10 минутын дотор зарагджээ
санал болгох
1
6 цагийн өмнө
Амьдралын үнэ цэнийг мэдрүүлэх сэтгэл хөдлөм 12 кино
2
10 цагийн өмнө
“Цөмөөхэй” балетын тоглолтод оролцох хүүхдүүдийг шалгаруулна
3
11 цагийн өмнө
Цахимаар 17550 хүүхдийг бүртгэж, хариуг мессэжээр илгээжээ

Энэ мэдээнд өгөх таны сэтгэгдэл?
0
1
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.