СУДАЛГАА: Өхөөрдөм амьтдыг харах нь стресс, сэтгэл түгшүүрийг бууруулдаг болохыг тогтоожээ
Заримдаа бид ньюфсфийд гүйлгэж байхад гарч ирдэг өхөөрдөм муур, гөлөгний бичлэгийг үзэхгүй байж чаддаггүй шүү дээ. Тэгвэл энэ нь хүний эрүүл мэндэд эерэг нөлөөтэй болохыг судлаачид хэлж байна.
Их Британийн Лийдсийн Их Сургуулиас хийсэн судалгаагаар өхөөрдөм амьтдын зураг, бичлэг үзэх нь стресс, сэтгэл түгшүүрийг бууруулдаг болох нь тогтоогджээ. Судлаачид 2019 оны арванхоёрдугаар сард буюу стрессийн түвшин хамгийн өндөр байдаг өвлийн улирлыг сонгож 19 оролцогч дээр туршилт хийсэн байна. Оролцогчдод муурын зулзага, гөлөг, нялх горилла, кокка зэрэг өхөөрдөм амьтдын зураг, бичлэгийг 30 минутын турш үзүүлсний дараа хэмжилт хийж үзэхэд хүмүүсийн даралт, зүрхний цохилт буурч, түгшүүр багассан байжээ. Сэтгэл түгшүүр дунджаар 35 хувь, зарим хүнд 50 хувиар буурсан гэх үр дүн гарчээ.
Мөн өхөөрдөм амьтдын зураг, бичлэгийг хамтдаа харах нь хосуудын харилцаанд эерэгээр нөлөөлдөг болохыг 2017 онд Флоридагийн Их Сургуулиас хийсэн судалгааны үр дүн баталжээ.
Холбоотой мэдээлэл: Таны дагавал зохих Монголын өхөөрдөм тэжээвэр амьтдын 21 инстаграм, пэйж
Инстаграм дээр таны заавал дагах ёстой 15 ӨХӨӨРДӨМ, ОНЦГОЙ муур
Эх сурвалж: Vice