2 мин

Судлаачид дэлхийн хамгийн аймшигтай 10 киног жагсаажээ

О.Анхзаяа 2020.10.27

Дэлхийн хамгийн аймшигтай киногоор "Sinister" шалгарсан тухай нийтлэлийг өмнө нь хүргэсэн ч бусад байранд ямар бүтээлүүд орсныг та бүхэндээ хүргээгүй байсан билээ. Одоо харин бүтэн жагсаалтыг хүлээн авч, орой болгон нэг нэгээр нь үзнэ үү.

Хүмүүсийн зүрхний цохилтын тоо, киног үзэж байхдаа мэдэрч буй айдас, стресс дээр үндэслэн энэ 10 киног сонгосон байна.

10. The Visit (2015)

Эгч дүү хоёр эмээ өвөө дээрээ очихоор холыг зорьж буй тухай өгүүлэх тус бүтээл таныг айлгахын хажуугаар хааяахан инээлгэх болно. Найзуудаараа үзэхэд яг тохирсон бүтээл.

9. The Descent (2005)

Зургаан бүсгүй аймшигт агуйд гарах гарцгүй гацаж, хэний ч төсөөлөөгүй аймшигт явдлууд болж эхлэх болно.

8. The Babadook (2014)

Австралийн найруулагч Женнифер Кентийн анхны бүтээл сүүлийн жилүүдэд гарсан маш сайн аймшгийн кинонуудын нэгээр тодорсон юм. Та үзээгүй бол заавал сонирхоорой.

7. The Conjuring 2 (2016)

Энэ киноны дундуур кино театрт би яг хэдэн секунд нүд харанхуйлж, чих шуугиад ирснийг санадаг юм. Анх үзэхэд үнэхээр аймаар байсан шүү. Судалгаа ч бас худлаа хэлээгүй бололтой.

6. It Follows (2015)

Ямар нэгэн зүйл таныг зогсолтгүй дагаад л байвал яах вэ? Үзээд нэг хэсэгтээ л эвгүй байсан шүү.

5. Paranormal Activity (2009)

Хүн болгон ямар нэг байдлаар энэ киног үзэж байсан байх. Киноны туршид мэдрүүлэх тэр түгшүүрт байдал нь л хамгийн эвгүй.

4. Hereditary (2018)

Трейлерийг ингэж л хийдэг юм даа гэж санагдуулна. Та бүтнээр нь үзмээр санагдана гэдэгт итгэлтэй байна.

3. The Conjuring (2013)

Дөнгөж гараад хүн болгоноос "Хамгийн аймаар" кино гэх үнэлгээг авч байсан маш сайн бүтээл бол яалт ч үгүй энэ. Чанартай кино үзэх цаанаа л гоё байдаг шүү.