Тансаг зэрэглэлийн брэндүүд залуусын анхаарлыг татахын тулд солонгос драмаг түлхүү ашиглаж байна
Тансаг зэрэглэлийн брэндүүд загварын долоо хоногоос эхлээд улаан хивсний ёслол хүртэл төрөл бүрийн арга хэмжээгээр дамжуулан бүтээгдэхүүнээ сурталчилдаг. Харин энэ жил цар тахлын улмаас алдартай брэндүүд Солонгосын олон ангит кинонуудыг сурталчилгааныхаа гол "зэвсэг" болгон ашиглаж байна. Учир нь, Өмнөд Солонгост л гэхэд цар тахлын үеэр олон ангит киноны үзэлт 17 хувиар нэмэгджээ. Мөн Өмнөд Солонгосоос 2019 онд 1.5 сая хэрэглэгч шинээр Netflix-д бүртгүүлсэн төдийгүй тус платформ дээр тавигддаг Солонгосын олон ангид кинонууд Ази төдийгүй Америк, Европт ч хүчээ авч байгаа юм.
Иймд дэлгэцийн ард олон цагийг өнгөрөөдөг зэт, миллениалын үеийн залуусын анхаарлыг татахад энэ нь хамгийн тохиромжтой стратеги гэгдэж байгаа аж. Тухайлбал, энэ жил хит болсон Хосуудын ертөнц (A Couple’s World), Хайрын ослын буулт (Crash Landing on You), Хаан: Мөнхийн Эзэн (The King: Eternal Monarch) гэх мэт кинонуудын гол дүрийн жүжигчид бүхэлдээ алдартай брэндүүдийн хувцас, гоёл чимэглэлээр гангарчээ. Кино цацагдаж эхэлмэгц л жүжигчдийн өмссөн хувцас, барьсан цүнх, гоёл чимэглэл үзэгчдийн анхаарлыг татдаг бөгөөд брэндүүд энэ мотивацийг ашиглан бүтээгдэхүүнээ амжилттай таниулдаг байна.
Хятадын олон ангит кинонууд ч бүтээгдэхүүн байршуулах аргыг түгээмэл ашиглаж байна гэж The South China Morning Post мэдээлжээ. Өнгөрсөн зун гарсан Return the World to You драмад л гэхэд 120 гаруй брэндийн бүтээгдэхүүнийг сурталчилжээ.
Эх сурвалж: The South China Morning Post
Зочин 2020.07.09 172.69.110.141
Ийм болоод Монгол битгий хэл дэлхийн хүмүүс солонгос кино болон бусад урлагийн төрлийн жанрыг нь шимтэн харж бна гэж бодож бна. Зүгээр л жишээ хувцас гутал нь загварлаг чанартай гоё.
0 0 Хариулах
Unsh 2020.07.08 162.158.7.26
Za bolij uz! Ugasaa engiin duuchid n hurtel luxury brandiin huvtsas umsdug. Zara, mango, h&m umsuhgui shdee setguulchee. Gaihah zuil bish
0 0 Хариулах
KDrama 2020.07.08 172.68.146.155
dandaa aldaatai buruu medeelel bichih yuma
1 0 Хариулах