"The Hunger Games"-ийн шинэ ном "The Ballad of Songbirds and Snakes" ирэх сард гарна
"The Hunger Games" цуврал номын шинэхэн ном болох "The Ballad of Songbirds and Snakes" тавдугаар сарын 19-нд худалдаанд гарахаар төлөвлөгдөж, урьдчилсан захиалгаа хэдийнээ авч эхлээд байна.
Энэхүү номын үйл явдал Панемын хуучин Ерөнхийлөгч Снөүг гол дүрээ болгон, "Өлсгөлөн тулаан" зохиогдохоос өмнөх үйл явдлыг харуулахаар болжээ.
Катнисс Эвердин болон бид бүхний сайн мэдэх бусад олон дүрүүд энэ номонд гарахгүй байх магадлалтай бөгөөд удаан хүлээсэн номоосоо зөвхөн дарангуйлагч, хэрцгий Ерөнхийлөгч Снөүийн үйл явдлыг уншихаар болсондоо зарим уншигчид сэтгэл дундуур байгаагаа ч илэрхийлээд авсан юм. Гэвч ном ямар өнцгөөс бичигдсэн, ямар баялаг үйл явдлуудаар дүүрэн тухай хүмүүс төдийлөн мэдэхгүй байгаа учир бид бүгдэд хүлээх л үлдлээ.