ТикТок аппликэйшнийг хориглох тухай саналаас болж өсвөр үеийнхэн Трамптай 'дайн' зарлав
Коронавирусийн цар тахлаас үүдэн БНХАУ болон АНУ харилцаанд хурцадмал байдал үүсээд байгаа билээ. Хамгийн сүүлд Ерөнхийлөгч Дональд Трамп Хятадыг "шийтгэх" зорилгоор ТикТок аппликэйшнийг хориглох саналтай байгаагаа мягмар гарагт өгсөн ярилцлагынхаа үеэр дурджээ. Америкийн өсвөр үеийнхний хамгийн түгээмэл ашигладаг ТикТок аппликэйшнийг Хятадын Bytedance компани эзэмшдэг юм.
Тэгвэл энэ мэдэгдлийн дараа ТикТокын хэрэглэгчид эсэргүүцэл зарлаж, Ерөнхийлөгч Дональд Трампын 2020 оны сонгуулийн кампанид зориулж бүтээсэн аппликэйшнийг App Store-оос устгуулах хөдөлгөөнийг өрнүүлж эхлээд байна.
750 мянган дагагчтай ТикТокын од Йори Блакк "ТикТок бол зэт, миллениал үеийнхний хувьд клубын байр л гэсэн үг. Гэтэл Трамп үүнийг заналхийллээ. Хэрэв тэр үүнийг бусниулах юм бол бид ч бас хэн болохоо үзүүлнэ. Зэт үеийнхэн тулалдахгүйгээр бууж өгөхгүй шүү" гэжээ. Үүний дараа тэрбээр Трампын 2020 оны сонгуулийн аппликэйшнийг устгуулахын тулд хэрхэн тэмцэх ёстойг дагагчдадаа алхам бүрээр нь тайлбар бичлэг оруулсан бөгөөд үүнийг одоогоор 6.6 сая хүн үзээд байна.
Apple компани муу үнэлгээтэй аппликэйшнийг App Store-оос устгадаг тул Йори Блакк Official Trump 2020 App-ийг татаж аваад хамгийн муу үнэлгээ өгөхийг дагагчдадаа уриалжээ. Түүнийг ийм уриалга гаргасны дараа өсвөр үеийнхэн Трампын сонгуулийн аппликэйшнд хамгийн муу үнэлгээ өгч эхэлжээ. Одоогоор тус аппликэйшнд 250 мянган хүн үнэлгээ өгснөөс дийлэнх нь 1 од буюу хамгийн муу гэх үнэлгээг өгчээ.
Official Trump 2020 App таталтынхаа тоогоор App Store 486-д бичигдэж байсан бол ТикТокчидын эсэргүүцэл эхэлснээс хойш хамгийн их татагдсан аппликэйшнийг хоёрдугаарт бичигдэж эхэлжээ.
Эх сурвалж: Time
Levi 2020.07.13 172.69.252.151
Osvor nasnii batsaanuud l ene tik tokiig ashiglaj oorsdiinhoo narcisst zangaa ulam tejeej bdag yum bile
1 5 Хариулах
Зочин 2020.07.15 172.69.252.137
Hun yu hergleh ni hunii dur.
0 0 Хариулах