Тимоти Шаламе, Том Холланд нарыг Вилли Вонкагийн дүрд сонирхож байна
"Charlie and the Chocolate Factory" киноноос өмнөх үеийг харуулсан киног хийх саналтай байгаагаа Warner Bros компани олон нийтэд мэдээлсэн бөгөөд 2023 оны гуравдугаар сарын 17-нд нээлтээ хийнэ хэмээн урьдчилан зарлаад буй.
Киноны гол дүр болох Вилли Вонкагийн дүрд харин хэнийг тоглуулах тухай яригдаж байгаа нь олонд зарлагдахад хүмүүс гайхшран хүлээж авсан байна.
Өдгөө 25 настай Тимоти Шаламе, 24 настай Том Холланд нарыг гол дүрд тоглуулах тухай яригдаж байгаа бөгөөд үүнд нь шүтэн бишрэгчид янз бүрээр хариу үйлдэл үзүүлж байна.
"Paddington" киноны найруулагч Пол Кинг тус киног найруулах бөгөөд есдүгээр сараас продакшн ажил эхлэх юм байна.
Шүтэн бишрэгчдийн ихэнх нь тэднийг энэ дүрд тохирохгүй хэмээн үзэж хөгжилтэй зургууд хийсээр байгаа юм. Та юу гэж бодож байна?