Т.Мөнхсайхан: Цар тахлын үед анхаарлаа сарниулж болохгүй. Илүү хянамгай ажиллах ёстой
Эрүүл мэндийн сайд Т.Мөнхсайханаас сэтгүүлчид тодруулга авав.
Тэрбээр “Цаг үетэй холбоотой төлөвлөсөн олон ажил байгаа. Одоо авч байгаа арга хэмжээг цаашдаа ч эрчимтэй үргэлжлүүлнэ. Цар тахлыг улс дотроо алдахгүй ажиллах боломж байгаа гэж бодож байна. Хамгийн гол нь анхаарлаа сарниулж болохгүй. Илүү хянамгай ажиллах ёстой.
Бид нар төвлөрлийг сааруулах ёстой. Лавлагаа, шатлалын төв эмнэлгүүдэд гол нарийн оношилгоо, эмчилгээ хийх ёстой. Үүний тулд аймаг, дүүргийн нэгдсэн эмнэлгүүдийг чадавхжуулах, одооны улсын эмнэлгүүдийн түвшинд ойртуулснаар дараагийн өндөр технологийн мэс засал, эмчилгээнүүдийг хийх боломж бүрдэнэ” гэлээ.