1 мин

Царай таних технологийн тусламжтайгаар бусдын урдуур дайрдаг бүдүүлэг үйлдлийг халжээ

Б.Саруул 2019.10.24 1

18

Хиймэл оюун ухааны технологи хөгжүүлэгч DataSparQ фирм Лондоны нэгэн баранд анх удаа царай таних технологийг суурилуулжээ. Уг систем нь уух юм авахаар дугаарлаж буй хүмүүсийг таньж, ирсэн дарааллаар нь үйлчлэхэд тусалдаг юм байна. 

Ингэснээр бусдын урдуур дайрдаг "бүдүүлэг" үйлдэл үгүй болж, үйлчлүүлэгчид ч богино хугацаанд захиалгаа авах нөхцөл бүрдэх гэнэ. Түүнчлэн үйлчлүүлэгч 25-аас доош настай харагдвал үйлчилгээ үзүүлэгчид мэдэгддэг аж. 

Ийм технологи нь өдөр тутмын үйл ажиллагаа, үйлчилгээний чанарыг сайжруулах ч хүмүүс уух юм авахын төлөө царайгаа уншуулж, хувийн нууцаа алдахыг хүсэхгүй гэж үздэг хүмүүс ч бий. 

Тэгвэл нууцлал, аюулгүй байдлын тухайд DataSparQ фирмийн үйл ажиллагаа хариуцсан захирал Жон Вайли "Үйлчлүүлэгчид мэдээллээ алдах вий гэж санаа зовох шаардлагагүй. Вэб камерт цугларсан мэдээлэл үйлчилгээ явуулж буй газарт хадгалагддаггүй, улирлын төгсгөлд бүгдийг нь устгадаг. Бид хэрэглэгчийн мэдээллийг ямар зорилгоор, хэрхэн ашиглаж буйгаа ил тод мэдээлдэг" гэжээ. 

Эх сурвалж: Euro News

Б.Саруул 2019.10.24

18