Улаанбаатар, Сэлэнгэ, Дархан, Орхонд халдвар нэмэгдэж, дотоодын халдвар 275 боллоо

Эрүүл мэндийн яамнаас ээлжит мэдээллийг хүргэлээ. 

Өчигдрийн 11:00 цагаас хойш улсын хэмжээнд нийт 4176 хүнд шинжилгээ хийхэд 13 тохиолдолд шинээр нэмэгдсэн байна. Тодруулбал, Улаанбаатарт 3, Сэлэнгэд 4, Дархан-Уул аймагт 2, Орхон аймагт 4 тохиолдол шинээр бүртгэгджээ. 

Монголд нийт батлагдсан тохиолдол 712 болсон бөгөөд дотоодын халдвар 275 боллоо. Үүнээс 360 хүн эмчлүүлж байна. Нэг хүний биеийн байдал нэн хүнд, хүнд 3, хүндэвтэр 55, хөнгөн 301 хүн байгаа аж.