Улаанбаатарт 3, Сэлэнгэд 26, Говьсүмбэрт 3 тохиолдол нэмэгдэж, дотоодын халдвар 235 боллоо
Эрүүл мэндийн яамнаас 11 цагийн ээлжит мэдээллийг хүргэлээ. Коронавирусийн халдвар илрүүлэх шинжилгээний хариуг ХӨСҮТ-ийн Тандалт, судалгааны албаны дарга А.Амбасэлмаа танилцууллаа.
Тэрбээр “Арваннэгдүгээр сарын 23-нд улсын хэмжээнд нийт 4330 хүнд PCR шинжилгээ хийсэн.
Үүнээс 32 сорьцод коронавирус илэрсэн. Тодруулбал, Сэлэнгэд 26, Улаанбаатарт 3, Говьсүмбэр аймагт 3 тохиолдол нэмэгдлээ. Харин нэг нь Алтанбулагийн боомтоор арваннэгдүгээр сарын 10-нд ирсэн хүний давтан шинжилгээнээс илэрсэн буюу зөөвөрлөгдсөн тохиолдол юм" гэлээ.
"Ковид-19"-ын халдвартай нь шинээр батлагдсан хүмүүс ойрын болон дам хавьтал буюу хамт үзвэр үзсэн, хамт хоол идсэн, караокед орсон, бариа засал хийсэн зэргээр халдвар авсан байна.
Ийнхүү улсын хэмжээнд бүртгэгдсэн халдварын тоо 672, дотоодод тархсан халдвар 235 боллоо. Эмчлэгдэж байгаа 323 хүн байна. Үүнээс биеийн байдал хүнд 2 хүн, хүндэвтэр 44 хүн, хөнгөн 207 хүн байгаа аж.
Дотоодод бүртгэгдсэн тохиолдол:
Байршил | Батлагдсан тохиолдол |
Улаанбаатар | 54 |
Сэлэнгэ | 124 |
Дархан-Уул | 20 |
Дорноговь | 17 |
Орхон | 17 |
Говьсүмбэр | 4 |