Улсын хэмжээнд 19680 хүнд PCR шинжилгээ хийхэд 12 хүнээс коронавирус илэрчээ
ЭМЯ-наас ээлжит мэдээллээ хүргэлээ. Өчигдөр буюу арванхоёрдугаар сарын 3-нд улсын хэмжээнд нийт 19680 хүнд PCR шинжилгээ хийсэн байна. Үүний 600 гаруй нь хавьтлуудын шинжилгээ байсан бөгөөд 12 хүний сорьцод коронавиурс илэрчээ. Тодруулбал, Улаанбаатарт 7, Сэлэнгэ аймагт 4, Дархан-Уул аймагт 1 тохиолдол шинээр бүртгэгдсэн байна. Улаанбаатарт батлагдсан 7 тохиолдлын 5 нь голомтлон гарсан халдвартай холбоотой бол 2 нь ХӨСҮТ-ийн ажилтан. Сэлэнгэ аймгийн дөрвөн тохиолдлын 3 нь гэр бүлийн хавьтал бол нэг нь эмнэлгийн ажилтан байна. Дарханд батлагдсан нэг тохиолдолд тандалт судалгаа хийж байжээ.
Монголд нийт батлагдсан тохиолдол 831 болсон бөгөөд үүнээс 457 хүн эмчлүүлж байна. Гурван хүний биеийн байдал маш хүнд, 5 хүн хүнд хэлбэрийн, хүндэвтэр 75, хөнгөн 374 хүн байгаа аж.
Дотоодод голомтлон бүртгэгдсэн тохиолдол 2020 оны арванхоёрдугаар сарын 04-ны байдлаар 386 болов. Үүнийг задалбал:
Байршил | Батлагдсан тохиолдол |
Улаанбаатар | 96 |
Сэлэнгэ | 193 |
Дархан-Уул | 45 |
Дорноговь | 21 |
Орхон | 24 |
Говьсүмбэр | 4 |
Архангай | 3 |