Өмнөд Солонгост 300 дрон хөөргөж, коронавирусийн эсрэг сэрэмжлүүлгийг бүтээлчээр хүргэжээ
Өмнөд Солонгосын нийслэл Сөүл хотноо цар тахлаас сэргийлэхэд чиглэсэн сонирхолтой бөгөөд бүтээлч гэрлийн шоу болжээ. Өнгөрсөн бямба гарагийн орой Хан мөрний дээгүүр 300 орчим дрон хөөргөж, коронавирусийн халдвараас урьдчилсан сэргийлэхийг сануулсан мессежүүдийг тэнгэрт дүрслэн харуулсан байна. Тухайлбал, зайгаа барих, маск зүүх, гараа угаах гэх мэт үйлдлүүдийг дронуудын тусламжтайгаар дүрсэлж, эцэст нь тахлын тэргүүн эгнээнд ажиллаж буй эмнэлгийн ажилтнуудад талархал илэрхийлжээ.
11 минут үргэлжилсэн уг гэрлийн шоуг Өмнөд Солонгосын Газар, дэд бүтэц, тээврийн яам зохион байгуулсан аж.
Одоогийн байдлаар тус улсад коронавирусийн 13137 тохиолдол бүртгэгдэж, 284 хүн амиа алдаад байна.
Гэрлийн шоуг эндээс бүрэн эхээр нь үзээрэй.
Эх сурвалж: Aljazeera