"Unread Awards"-ийн шилдэг аппаар "Insur" тодорлоо
Тухайн жил "тэсрэлт" хийж тод амжилт гаргасан энтерпренер, байгууллагуудыг тодруулдаг "Unread Awards" -ийн ээлжит шагнал гардуулах ёслол өнөөдөр болж, "Шилдэг апп" номинацид "INSUR" тодорлоо. Жил бүр гарааны бизнесийн орчинд амжилтаараа манлайлж буй шилдгүүдийг тодруулж ирсэн "Unread Awards" нь энэ жил "Шилдэг стартап", "Шилдэг үүсгэн байгуулагч", "Шилдэг гар утасны апп", "Шилдэг санаачилга" гэсэн дөрвөн төрлөөр явагджээ.
"Шилдэг апп" номинацид "Hippocards", "Ebarimt", "Insur", "Mongolchat" зэрэг аппууд өрсөлдөж 20 сэтгүүлч, энтерпренерүүдийн төлөөллийн саналаар INSUR-ийг шалгарууллаа.
"Insur" нь технологийн шийдлийг ашиглан нийгмийн эрүүл мэндийн эрсдэлийг бууруулах даатгалын апп юм. Эрүүл мэндийн даатгалын бүтээгдэхүүний багцуудыг бий болгож, тэдгээрийн төлбөрийг бонус оноо цуглуулах байдлаар төлөх боломжийг олгожээ.
"Цахим соёлын довтолгоо" хэлэлцүүлгийн үеэр Монгол телевизийн дэд захирал Г.Бат-Эрдэнэ маш сонирхолтой сэдвийг хөндсөн нь "undeniable байх" буюу үгүйсгэх аргагүй бай гэж залуучуудад зөвлөж, Insur app-ийг "undeniable бизнес санаа" хэмээн жишээ татсан юм.