Өнөөдөр 11:00 цагаас хойш 18 хүнд коронавирусийн халдвар илэрлээ
Коронавируст халдварын талаарх мэдээллийг ХӨСҮТ-ийн Тандалт, судалгааны албаны дарга А.Амбасэлмаа 17 цагийн байдлаар өглөө.
Тэрбээр "11:00 цагаас хойш 963 хүнд шинжилгээ хийсэн байна. Ингэхэд 18 хүний шинжилгээнд коронавирус илэрлээ. Үүнд, ХӨСҮТ-д хийсэн 550 шинжилгээ багтаж байгаа бөгөөд нэг хүний буюу эмнэлгийн ажилтны шинжилгээнд халдвар илэрлээ.
Дархан-Уул аймагт 348 хүний сорьцод шинжилгээ хийхэд 4 хүнээс халдвар илэрсэн байна.
Сэлэнгэ аймагт 59 хүнд шинжилгээ хийхэд 13 хүнд халдвар илэрлээ. Эдгээр илэрсэн тохиолдлууд нь бүгд өмнөх батлагдсан тохиолдлуудын ойрын хавьтал болсон хүмүүс юм" гэлээ.
Одоогийн байдлаар улсын хэмжээнд коронавируст халдварын батлагдсан тохиолдол 473 боллоо. Тодруулбал, Улаанбаатарт 15, Сэлэнгэ аймагт 23, Дархан-Уул аймагт 8, Говьсүмбэр аймагт 1 тохиолдол бүртгэгдээд байна.