1 мин

Өөрийгөө танихад туслах сонирхолтой, шилдэг 5 сэтгэл зүйн сорил

О.Анхзаяа 2020.09.16 5 3 2

391

Интернетээр та янз бүрийн л тест бөглөж, хувь хүнийг тодорхойлох асуултуудад хариулж үзсэн байх. Гэхдээ энэ бол хүмүүсийн хамгийн их бөглөж, хариуг нь шимтэн уншдаг 5 тест юм. Бүгд англи хэл дээр бөгөөд та хэрэв ойлгоход бэрхшээлтэй зүйлтэй тулгарвал тухайн асуулт болон хариултуудыг орчуулаад бөглөөрэй.

Юнг типологийн тест

Хүний зан чанарыг хэд хэдэн бүлэгт хуваан тодорхойлдог MBTI буюу Meyrs-Briggs Type Indicator төрлийн уг тест 1962 онд гарсан. Та харилцаа холбоо, мэдрмэж, бодолтой холбоотой нийт 60 гаруй асуултад "ТИЙМ-тийм-итгэлтэй бус байна-үгүй-ҮГҮЙ" дундаас сонгож хариулна. 

16 Personalities 

Өөрийн зан чанарыг тодорхойлж, 16 бүлэгтт хуваасан хүмүүсээс аль нь болохоо олж мэддэг уг тестийг цаг зав гарган нухацтай бөглөх хэрэгтэй. Та гарч ирсэн өгүүлбэрүүдийг сайтар уншиж ойлгоод, тэр өгүүлбэр таны бодолд хэр нийцэж байгааг сонгодог.

"Truity Big Five Personality" сорил

Нээлттэй байдал, шударга шулуун зан, "гадагшаа" байдал, таатай эерэг байдал, болон тогтворгүй хэв шинжийг тань үнэлэн гаргаж ирэх уг тестийн маш дэлгэрэнгүй, том хувилбар нь үнэтэй байдаг. Гэхдээ та үнэгүй хувилбарыг нь ашиглах боломжтой.

"The VisualDNA Who Am I?" сорил

Яг өмнөх тесттэй адил боловч илүү зугаатай, сониролтой байдлаар хийсэн. Зураг, дүрсээр арвин уг тестийг бөглөхөд илүү сонихролтой байх болов уу.

TestColor

Энэ сорилыг бөглөх их амархан. Та хамгийн их таалагдсан өнгөнүүдээ сонгох маягаар явах бөгөөд хамгийн таалагдахгүй байгаагаа ч мөн сонгох юм. Энэ нь таны тухай маш олон мэдээллийг гаргаж ирнэ гээд бод доо. Сонирхоод үзээрэй.

О.Анхзаяа 2020.09.16

391