"Van Helsing" киноны үргэлжлэлийг Жэймс Ван бүтээнэ
"Universal Pictures" компанийн зүгээс "Van Helsing" киноны шинэ анги дээр ажиллаж байгаагаа мэдэгджээ. Киноны найруулагчаар "Overlord" (2018)-ийн найруулагч Жулиус Эйвери ажиллахаар болжээ.
(Жулиус Эйвери болон Жэймс Ван)
Жэймс Ван өөрийн "Atomic Monster" продакшны хүрээнд энэ киног гаргах юм. Мангасаар дүүрэн ертөнцийн анчин Ван Хелсингийн ертөнцөд үйл явдал нь өрнөх тус кино аймшгийн, триллер төрлөөр бүтээгдэнэ.
Харин Ван Хелсинг дүрийг кинонд хэрхэн яаж оруулж, ашиглах, ямар жүжигчид тоглох болон нь зарлагдаагүй байна. Гэхдээ жүжигчин Ченнинг Тейтумыг гол дүрдээ сонирхож байгаа гэх мэдээлэл байна.